Bæjarstjórn Mosfellsbæjar hefur samþykkt nýja deiliskipulagsáætlun og breytingu á deiliskipulagi sem hér segir:
Hraðastaðir. Nýtt deiliskipulag sem fékk meðferð skv. 41. gr. skipulagslaga. Tillagan gerir ráð fyrir því að reisa tvö 45 m² hús á byggingrreit E2 fyrir þrifalega starfsemi. Húsin munu ætluð undir starfsemi fyrir fiskirannsóknir. Skipulagið var samþykkt í bæjarstjórn 26. október 2016.
Snæfríðargata 1-21. Breyting á deiliskipulagi sem fékk meðferð skv. 1. mgr. 43. gr. skipulagslaga. Breytingartillagan gerir ráð fyrir 5 tveggja hæða fjölbýlishúsum, fjórum meðfram Snæfríðargötu og einu norðan við þau. Aðkoma að húsunum er um aðkomugötu sem liggur samsíða Snæfríðargötu á milli húsanna sem liggja út við Snæfríðargötu og hússins sem staðsett er á norðvesturhluta lóðarinnar. Í norðausturhluta heildarlóðar er gert ráð fyrir sameiginlegu leik- og útivistarsvæði. Aðkomugata og leik- og útivistarsvæði eru á sameiginlegri lóð í sameign og á ábyrgð allra íbúanna. Breytingin var samþykkt í bæjarstjórn 31. ágúst 2016.
Ofangreindar breytingar á deiliskipulagi hafa hlotið þá meðferð sem lög nr. 123/2010 mæla fyrir um og öðlast þær þegar gildi.
F.h. Mosfellsbæjar, 7. nóvember 2016,
Ólafur Melsted skipulagsfulltrúi.
|