Samkvæmt lögum um stofnun einkahlutafélags um Orkuveitu Húsavíkur nr. 13/2005, reglugerð um Orkuveitu Húsavíkur ohf., nr. 1227/2012 og orkulögum, nr. 58/1967, hefur ráðuneytið staðfest eftirfarandi breytingu á gjaldskrá Orkuveitu Húsavíkur, er taka á gildi 1. júní 2018.

5. gr. gjaldskrárinnar verður svohljóðandi:

HEITT VATN

Notkun.

Almenn notkun.

Heimilt er að miða innheimtu skatts af heitu vatni við áætlaða sölu.

Greiða skal í ríkissjóð 2% skatt af heitu vatni.

Virðisaukaskattur er 11% af vatni til húshitunar. Sérmæld snjóbræðsla ber 24% vsk.

Upplýsingar um hitaleiðrétta taxta fást á skrifstofu Orkuveitunnar.

Fast gjald.

Fast gjald miðast við stærð mælis og er óháð notkun.

Iðnaðarvatn.

Stærri notendur þar sem heitt vatn er notað sem beinn framleiðsluþáttur, geta sótt um að kaupa vatn á 25% verði.

Annað.

Grunnverð fyrir sumarhús, fjárhús, hesthús og sambærileg hús er fast gjald - minnsta notkun á heitu vatni er 350 m³/ár.

Heimlögn.

Virðisaukaskattur reiknast 11% á heimæðargjöld fyrir heimæðar til húshitunar en 24% á heim­æðar­gjöld til annarra nota.

Verði heildarlengd heimæðar meiri en 20 m er greitt 2% lengdargjald fyrir hvern metra umfram 20 m.

Annað

Virðisaukaskattur á þjónustugjöld er mismunandi, 11% eða 24% og ákvarðast af vsk. stigi við­komandi veitutaxta.

Skýringar

Greiða skal fyrir hverja heimlögn sem tengir húsveitu við dreifikerfi OH, og skal greitt þegar umsókn hefur verið samþykkt hjá OH.  Afstöðumynd er sýnir allar lagnir skal fylgja umsókn.

Verðskrá miðast við að ídráttarrör fyrir heimlögn hafi verið lagt á frostfríu dýpi, frá tengistað OH við lóðamörk að inntaksstað mannvirkis, og frágangur hafi verið tekinn út og samþykktur af OH.

Vanti ídráttarrör eða að ídráttarrör reynist ónothæft greiðist aukagjald samkvæmt „Annað, sam­eigin­­legt“.

Inntaksbeygja fyrir heitt vatn fæst afhent hjá OH.

Rörastærðir sem lagðar eru að lóðarmörkum skulu vera:

Sverleiki ídráttarröra

Óski eigandi húsveitu eftir að heimlögn sé lögð þegar frost er í jörðu, skal hann greiða auka­gjald samkvæmt „Annað, sameiginlegt“.

Sé fyrirsjáanlegt, vegna fjarlægðar eða annarra aðstæðna, að kostnaður við heimlögn verði meira en 50% hærri en gildandi verðskrá segir til um, skal notandi greiða þann kostnað sem er umfram 50% samkvæmt nánari ákvörðun OH. Þetta ákvæði gildir einnig þegar heimlögn er stækkuð.

Þegar heimlögn er stækkuð, skal greiða fullt verð fyrir hina nýju heimlögn að frádregnu hálfu gjaldi hinnar fyrri heimlagnar, hvort tveggja miðað við gildandi verðskrá þegar breytingin fer fram.

Heimilt er þó að lækka verðið, eða fella niður, þegar sérstakar aðstæður mæla með því að mati OH.

Húseigandi/notandi kostar breytingar á heimæðum sem nauðsynlegar eru vegna framkvæmda hans og greiðir fyrir það samkvæmt kostnaði.

Sé óskað eftir aukamæli á heimlögn skal staðsetja mælinn í sama rými og aðalmæli og sem næst inntaksstað.

Óski notandi eftir stærri heimlögn en getið er í verðskrá, er gerður um það sérstakur samningur.

Við inntaksstað á heitu og köldu vatni skal vera niðurfall.

Gjalddagi reikninga er 15. hvers mánaðar og eindagi fyrsta næsta mánaðar.

Dráttarvextir reiknast eftir eindaga, frá gjalddaga.

Atvinnuvega- og nýsköpunarráðuneytinu, 29. maí 2018.

F. h. ferðamála-, iðnaðar- og nýsköpunarráðherra,

Kristján Skarphéðinsson.