Samþykktar hafa verið eftirtaldar breytingar á deiliskipulagi 1. áfanga Helgafellshverfis eftir meðferð samkvæmt 1. mgr. 43. gr. skipulagslaga nr. 123/2010:
Vefarastræti 1-5. Breytingar felast í fjölgun íbúða úr 21 í 23, fækkun stigahúsa úr þremur í tvö, tilslökun á kröfum um bílastæði þannig að fyrir hverja íbúð 70 m² og minni (var 60 m²) skuli vera 1,5 stæði innan lóðar sem megi öll vera ofanjarðar og loks stækkun lóðar um rúmlega 130 m². Breytingin var fullnaðarafgreidd á afgreiðslufundi skipulagsfulltrúa 2. október 2015.
Vefarastræti 8-14 og 16-22. Breytingar felast í fjölgun íbúða úr 32 í 39 á hvorri lóð eða um samtals 14 íbúðir og tilslökun á kröfum um bílastæði þannig að fyrir hverja íbúð 70 m² og minni (var 60 m²) skuli vera 1,5 stæði innan lóðar sem megi öll vera ofanjarðar. Breytingin var samþykkt á fundi bæjarstjórnar 26. ágúst 2015.
Ofangreindar breytingar á deiliskipulagi hafa hlotið tilskilda meðferð samkvæmt skipulagslögum og öðlast þær þegar gildi.
F.h. Mosfellsbæjar, 16. október 2015,
Finnur Birgisson skipulagsfulltrúi.
|