1. gr.
Sveitarstjórn Borgarbyggðar leggur á gjald til að mæta kostnaði við söfnun og eyðingu dýraleifa skv. 11. gr. samþykktar um meðhöndlun úrgangs í Borgarbyggð nr. 898/2022. Í samræmi við lög um meðhöndlun úrgangs, nr. 55/2003, með síðari breytingum, ber sveitarfélaginu að taka við þeim úrgangi sem til fellur í sveitarfélaginu og færa hann til viðeigandi meðhöndlunar.
2. gr.
Förgunargjaldið byggist á fjölda búfjár á lögbýlum í sveitarfélaginu miðað við búfjárskýrslur Búnaðarstofu og verður innheimt með fasteignagjöldum. Miðað er við að dýrahræ séu sótt reglulega til bænda og komið í viðeigandi meðhöndlun.
3. gr.
Gjald fyrir söfnun og förgun dýraleifa í Borgarbyggð verður sem hér segir:
Grunngjald 29.945 kr. á öll lögbýli þar sem haldnar eru skepnur.
Því til viðbótar leggst gjald á hvern grip:
Sauðfé |
138 kr. |
Nautgripir |
446 kr. |
Hross |
443 kr. |
Hænsn |
2 kr. |
4. gr.
Gjaldskrá þessi, sem samþykkt á fundi sveitarstjórnar Borgarbyggðar 7. desember 2022, er samin með heimild í 23. gr. laga um meðhöndlun úrgangs, nr. 55/2003 og ákvæði 59. gr. laga um hollustuhætti og mengunarvarnir, nr. 7/1998.
Gjaldskráin öðlast þegar gildi og fellur þá úr gildi gjaldskrá sama efnis nr. 1714/2021.
Borgarnesi, 19. desember 2022.
Stefán Broddi Guðjónsson sveitarstjóri.
|