FORSETI ÍSLANDS
gjörir kunnugt:

Samkvæmt tillögu forsætisráðherra og með skírskotun til 15. gr. stjórnarskrárinnar, laga um Stjórnarráð Íslands og forsetaúrskurðar um skiptingu Stjórnarráðs Íslands í ráðuneyti, er störfum þannig skipt með ráðherrum:

1. gr.

Forsætisráðuneyti.

Bjarni Benediktsson fer með stjórnarmálefni sem heyra undir forsætisráðuneytið skv. 1. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættis­heitið forsætisráðherra.

2. gr.

Atvinnuvega- og nýsköpunarráðuneyti.

Þorgerður Katrín Gunnarsdóttir fer með stjórnarmálefni sem heyra undir atvinnuvega- og nýsköpunarráðuneytið skv. 1., 5. og 6. tölul. 2. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið sjávarútvegs- og landbúnaðarráðherra.

Þórdís Kolbrún Reykfjörð Gylfadóttir fer með stjórnarmálefni sem heyra undir atvinnuvega- og nýsköpunarráðuneytið skv. 2.–4. tölul. og 7. og 8. tölul. 2. gr. forsetaúrskurðar um skiptingu stjórnar­málefna milli ráðuneyta í Stjórnarráði Íslands og ber embættisheitið ferðamála-, iðnaðar- og nýsköpunarráðherra.

3. gr.

Dómsmálaráðuneyti.

Sigríður Á. Andersen fer með stjórnarmálefni sem heyra undir dómsmálaráðuneytið skv. 3. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættis­heitið dómsmálaráðherra.

4. gr.

Fjármála- og efnahagsráðuneyti.

Benedikt Jóhannesson fer með stjórnarmálefni sem heyra undir fjármála- og efnahagsráðuneytið skv. 4. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið fjármála- og efnahagsráðherra.

5. gr.

Mennta- og menningarmálaráðuneyti.

Kristján Þór Júlíusson fer með stjórnarmálefni sem heyra undir mennta- og menningar­mála­ráðuneytið skv. 5. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið mennta- og menningarmálaráðherra.

6. gr.

Samgöngu- og sveitarstjórnarráðuneyti.

Jón Gunnarsson fer með stjórnarmálefni sem heyra undir samgöngu- og sveitarstjórnarráðuneytið skv. 6. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið samgöngu- og sveitarstjórnarráðherra.

7. gr.

Umhverfis- og auðlindaráðuneyti.

Björt Ólafsdóttir fer með stjórnarmálefni sem heyra undir umhverfis- og auðlindaráðuneytið skv. 7. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættisheitið umhverfis- og auðlindaráðherra.

8. gr.

Utanríkisráðuneyti.

Guðlaugur Þór Þórðarson fer með stjórnarmálefni sem heyra undir utanríkisráðuneytið skv. 8. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands og ber embættis­heitið utanríkisráðherra.

9. gr.

Velferðarráðuneyti.

Óttarr Proppé fer með stjórnarmálefni sem heyra undir velferðarráðuneytið skv. 1. tölul., c–f-liðum 3. tölul., 4.–6. tölul. og a–d-liðum 10. tölul. 9. gr. forsetaúrskurðar um skiptingu stjórnar­málefna milli ráðuneyta í Stjórnarráði Íslands og ber embættisheitið heilbrigðisráðherra.

Þorsteinn Víglundsson fer með stjórnarmálefni sem heyra undir velferðarráðuneytið skv. 2. tölul., a-, b- og g-lið 3. tölul., 7.–9. tölul. og e-lið 10. tölul. 9. gr. forsetaúrskurðar um skiptingu stjórnar­málefna milli ráðuneyta í Stjórnarráði Íslands og ber embættisheitið félags- og jafnréttis­mála­ráðherra.

10. gr.

Úrskurður þessi öðlast gildi 1. maí 2017. Með úrskurði þessum fellur úr gildi úrskurður nr. 2/2017, um skiptingu starfa ráðherra.

Gjört í Reykjavík, 7. apríl 2017.

Guðni Th. Jóhannesson.
(L. S.)

Bjarni Benediktsson.