Bæjarstjórn Mosfellsbæjar hefur samþykkt nýja deiliskipulagsáætlun sem hér segir:

Suður-Reykir, Reykjabúið.
Nýtt deiliskipulag sem fékk meðferð skv. 41. gr. skipulagslaga. Í deiliskipulaginu felst að á 2 ha svæði er heimilt að reisa byggingar fyrir búrekstur með alifugla að hámarki 10.000 stæði. Um er að ræða endurnýjun á húsakosti bús sem er í rekstri. Gert er ráð fyrir fimm byggingarreitum og hámarkshæð bygginga á bilinu 4,5 – 7 m. Nýtingarhlutfall á lóð er 0,45. Gert er ráð fyrir 2,5 m hárri jarðvegsmön meðfram Bjargsvegi og jafnframt verður bætt við einni tengingu við lóðina. Skipulagið var samþykkt í bæjarstjórn 23. nóvember 2016.

Ofangreint deiliskipulag hefur hlotið meðferð sem skipulagslög nr. 123/2010 mæla fyrir um og öðlast þegar gildi.

F.h. Mosfellsbæjar, 16. janúar 2017,

Ólafur Melsted skipulagsfulltrúi.