Bæjarstjórn Mosfellsbæjar hefur samþykkt nýtt deiliskipulag og deiliskipulagsbreytingu sem hér segir:

Varmárskólasvæði.
Deiliskipulagsbreytingin felur í sér að núverandi starfsmannastæði við Varmárskóla eru látin halda sér og sleppistæði sunnan og norðan Skólavegar eru tekin út en aðkomutorg skilgreint. Breytt fyrirkomulag er á biðstöðvum almenningsvagna.

Langavatn 509-f.
Nýtt deiliskipulag frístundabyggðar við Langavatn felur í sér að skilgreina byggingarreiti og stærðir bygginga á svæðinu ásamt nýjum byggingarskilmálum. Lóðum er fjölgað um eina með skipt­ingu á L192752 og eru þá níu talsins.

Ofangreind mál hafa hlotið þá meðferð sem skipulagslög nr. 123/2010 mæla fyrir um og öðlast þegar gildi.

F.h. Mosfellsbæjar, 8. júní 2020,

Kristinn Pálsson skipulagsfulltrúi.