1. gr.
Gildissvið.
Í samræmi við 16. gr. laga nr. 45/1997 um vörumerki, með síðari breytingum og ákvæði Nice-samningsins frá 15. júní 1957 um alþjóðlega flokkun vöru og þjónustu vegna skráningar vörumerkja með síðari breytingum, gildir eftirfarandi flokkaskrá fyrir vörur og þjónustu vegna skráningar vörumerkja. Flokkaskráin er birt sem fylgiskjal með auglýsingu þessari.
Flokkaskráin er í samræmi við 12. útgáfu alþjóðlegu skrárinnar um flokkun vöru og þjónustu við skráningu vörumerkja samkvæmt Nice-samningnum sem tók gildi 1. janúar 2017 og þær breytingar sem hafa átt sér stað frá þeim tíma. Til fyllingar áðurnefndri flokkaskrá er jafnframt notast við sameiginlegan gagnagrunn vöru- og þjónustulýsinga frá Evrópsku hugverkastofunni, EUIPO, sem byggir á Nice-samningnum.
Flokkaskráin er uppfærð með rafrænum hætti um hver áramót.
2. gr.
Breytingar 1. janúar 2023.
Eftirfarandi breytingar eru gerðar á íslenskri þýðingu á yfirskriftum flokkaskrárinnar frá og með 1. janúar 2023.
- Í stað orðsins „fasteignaviðskipti“ í flokki 36 komi: fasteignaþjónusta.
- Yfirskrift flokks 45 verður: Lögfræðiþjónusta; persónuleg öryggisþjónusta til verndar áþreifanlegum eignum og einstaklingum; stefnumótaþjónusta; samfélagsmiðlaþjónusta á internetinu; útfararþjónusta; barnagæsla.
3. gr.
Gildistaka og brottfall.
Auglýsing þessi gildir frá og með 1. janúar 2023. Jafnframt fellur úr gildi auglýsing um flokkun vöru og þjónustu vegna vörumerkja nr. 1419/2021.
Háskóla-, iðnaðar- og nýsköpunarráðuneytinu, 8. desember 2022.
Áslaug Arna Sigurbjörnsdóttir.
Ásdís Halla Bragadóttir.
Fylgiskjal. (sjá PDF-skjal)
|