1. gr.

Eftirfarandi breytingar verða á 97. gr. reglnanna:

1. b-liður 1. mgr., um nám til kandídatsprófs í ljósmóðurfræði, fellur brott og breytist röð þeirra stafliða sem á eftir koma sem því nemur.
2. Á eftir núverandi e-lið 1. mgr. bætist við nýr stafliður, svohljóðandi: Til meistaraprófs í ljósmóðurfræði til starfsréttinda.
3. Í stað orðanna „hjúkrunar- og ljósmóðurfræði“ í núverandi f-lið 1. mgr. kemur: hjúkrunar­fræði.
4. Á eftir núverandi f-lið 1. mgr. bætist við nýr stafliður, svohljóðandi: Til doktorsprófs í ljós­móður­fræði.
5. 5. mgr. fellur brott.
6. Í stað tölunnar „55“ í núverandi 6. mgr. kemur: 48.
7. Á eftir núverandi 6. mgr. bætist við ný málsgrein, svohljóðandi:

Meistaranám í ljósmóðurfræði til starfsréttinda er tveggja ára bóklegt nám og starfsþjálfun, 120 einingar, að loknu BS-prófi í hjúkrunarfræði.

2. gr.

Eftirfarandi breytingar verða á 98. gr. reglnanna:

1. 5. málsl. 8. mgr. fellur brott.
2. Í stað orðanna „Innritun í ljósmóðurfræði“ í 1. málsl. 9. mgr. kemur: Innritun í námsleiðina ljósmóðurfræði til starfsréttinda.

3. gr.

Reglur þessar, sem samþykktar hafa verið í háskólaráði Háskóla Íslands, eru settar í samræmi við lög nr. 85/2008 um opinbera háskóla og öðlast þegar gildi.

Háskóla Íslands, 2. nóvember 2018.

Jón Atli Benediktsson.

Þórður Kristinsson.