1. gr.
Almennt.
Sveitarfélagið Hornafjörður innheimtir gjöld vegna meðferðar úrgangs í sveitarfélaginu í samræmi við 11. gr. samþykktar um meðhöndlun úrgangs í Sveitarfélaginu Hornafirði, nr. 236/2018.
2. gr.
Íbúðarhúsnæði.
Árleg gjöld sem lögð eru á íbúðarhúsnæði í Sveitarfélaginu Hornafirði vegna sorphirðu, sorpeyðingar og endurvinnslu skal vera:
| Sorphirðugjald |
31.950 kr. |
| Sorpeyðingargjald |
19.290 kr. |
| Samtals á ári |
51.240 kr. |
Innifalið í ofangreindum gjöldum eru sorpílát undir blandaðan úrgang, endurvinnsluefni s.s. plast, pappa, pappír og málmumbúðir, og matarleifar. Gjöldunum er ætlað að standa undir kostnaði við ílát, hirðu og förgun eða endurvinnslu úrgangs.
Ofangreind gjöld skulu innheimt með fasteignagjöldum og er gjalddagi hinn sami og fasteignagjalda.
| Úrgangsflokkur |
Stærð íláts |
Verð |
| Blandaður úrgangur |
240 l |
23.500 kr. |
| Endurvinnsluefni |
240 l |
11.340 kr. |
| Matarleifar |
140 l |
15.400 kr. |
| Umsýslu- og útkeyrslugjald |
140 eða 240 l |
3.500 kr. |
Óski greiðendur eftir fleiri sorpílátum greiðast ofangreind gjöld árlega fyrir hverja auka tunnu:
Aðeins er heimilt að skrá eina auka tunnu fyrir hvern úrgangsflokk á hvert íbúðarhúsnæði.
3. gr.
Klippikort.
Hver húseigandi sem greiðir sorphirðu- og sorpeyðingargjöld skv. 2. gr. fær afhent eitt klippikort á ári sem veitir heimild til losunar á allt að 2 m³ (8 klipp) af gjaldskyldum úrgangi á söfnunarstöð sveitarfélagsins á Höfn. Ef kort klárast er hægt að kaupa aukakort á 8.000 kr.
Kortin má nálgast í afgreiðslu ráðhúss sveitarfélagsins. Leigjendur verða að nálgast kortin hjá leigusala eða kaupa sér kort.
4. gr.
Sumar- og frístundahús.
Þjónusta sorphreinsunar er alla jafna ekki veitt fyrir einstök sumar- eða frístundahús og bera þau því aðeins sorpeyðingargjöld. Eigendur slíkra húsa fá afhent eitt klippikort á ári sem veitir heimild til losunar á allt að 2 m³ (8 klipp) af gjaldskyldum úrgangi á söfnunarstöð sveitarfélagsins á Höfn. Klippikortin eru afhent í afgreiðslu ráðhúss sveitarfélagsins. Leigjendur slíkra húsa verða að nálgast kortin hjá leigusala eða kaupa sér kort.
Í sumarhúsahverfum, þar sem sumarhús eru 20 eða fleiri, skal einnig leggja sorpeyðingargjöld á hvert sumar- eða frístundahús árlega enda verða sett upp sorpílát í nánd við sumarhúsahverfið yfir mesta ferðamannatímann frá 15. maí – 15. september.
| Sorphirðugjald |
7.850 kr. |
| Sorpeyðingargjald |
8.000 kr. |
Ofangreind gjöld skulu innheimt með fasteignagjöldum og er gjalddagi hinn sami og fasteignagjalda.
5. gr.
Eyðing dýraleifa.
Á búfjáreigendur er lagt sérstakt gjald til að standa straum af kostnaði við förgun dýraleifa og tekur gjaldið mið af því að það standi undir kostnaði við förgunina.
Gjald fyrir eyðingu dýraleifa er lagt á heildarfjölda hverrar búfjártegundar samkvæmt búfjáreftirlitsskýrslu og er eftirfarandi:
| Nautgripir |
350 kr./grip |
Sauðfé og geitfé |
100 kr./grip |
| Hross |
280 kr./grip |
Svín |
200 kr./grip |
| Alifuglar |
2 kr./fugl |
Loðdýr |
2 kr./dýr |
6. gr.
Aðfararheimild.
Verði vanskil á greiðslu gjalda samkvæmt gjaldskrá þessari er hægt að innheimta gjöld með aðför sbr. 4. mgr. 23. gr. laga nr. 55/2003 um meðhöndlun úrgangs og 1. gr. laga nr. 90/1989 um aðför. Gjöld eru tryggð með lögveðsrétti í viðkomandi fasteign í tvö ár eftir gjaldaga sbr. 5. mgr. 59. gr. laga um hollustuhætti og mengunarvarnir nr. 7/1998.
7. gr.
Lagaheimild og gildistaka.
Gjaldskrá þessi er sett með heimild í 23. gr. laga um meðhöndlun úrgangs nr. 55/2003 og 10. gr. reglugerðar um meðhöndlun úrgangs nr. 737/2003 og öðlast þegar gildi.
Frá sama tíma fellur úr gildi gjaldskrá nr. 1598/2021.
Samþykkt í bæjarstjórn Sveitarfélagsins Hornafjarðar, 14. desember 2022.
Sigurjón Andrésson bæjarstjóri.
|