1. gr.
Gildissvið.
Reglur þessar gilda um nánari framkvæmd eftirfarandi atriða reglugerðar (ESB) 2017/1129, sbr. 2. mgr. 3. gr. og 2. mgr. 19. gr. laga nr. 14/2020 um lýsingu verðbréfa sem boðin eru í almennu útboði eða tekin til viðskipta á skipulegum markaði.
2. gr.
Tilkynning um almennt útboð.
Tilkynningu um almennt útboð verðbréfa í þeim tilvikum þegar verðmæti þess er á bilinu 1.000.000–8.000.000 evra skal senda Seðlabankanum 2 vikum fyrir áætlað útboð, sbr. 2. mgr. 3. gr. laga nr. 14/2020. Tilkynningin skal send á eyðublaði sem er í viðauka við þessar reglur.
3. gr.
Innleiðing EES-gerðar.
Með reglum þessum öðlast gildi hér á landi reglugerð framkvæmdastjórnarinnar (ESB) 2019/979 frá 14. mars 2019 um viðbætur við reglugerð Evrópuþingsins og ráðsins (ESB) 2017/1129 að því er varðar tæknilega eftirlitsstaðla um helstu fjárhagsupplýsingar í samantekt lýsingar, birtingu og flokkun lýsinga, auglýsingar á verðbréfum, viðauka við lýsingu og tilkynningagáttina og um niðurfellingu á framseldri reglugerð framkvæmdastjórnarinnar (ESB) nr. 382/2014 og framseldri reglugerð framkvæmdastjórnarinnar (ESB) 2016/301, sem er birt í EES-viðbæti við Stjórnartíðindi Evrópusambandsins nr. 20 frá 26. mars 2020, bls. 331, með þeim aðlögunum sem leiðir af ákvörðun sameiginlegu EES-nefndarinnar nr. 188/2019 frá 10. júlí 2019, sem er birt í EES-viðbæti við Stjórnartíðindi Evrópusambandsins nr. 73 frá 12. september 2019, bls. 3, sbr. einnig bókun 1 um altæka aðlögun við samninginn um Evrópska efnahagssvæðið, sbr. lög um Evrópska efnahagssvæðið, nr. 2/1993, þar sem bókunin er lögfest.
4. gr.
Gildistaka.
Reglur þessar, sem settar eru samkvæmt 2. mgr. 19. gr. laga nr. 14/2020 um lýsingu verðbréfa sem boðin eru í almennu útboði eða tekin til viðskipta á skipulegum markaði, öðlast gildi þegar í stað.
Ákvæði til bráðabirgða.
Eftirfarandi gildir þar til reglugerð (ESB) 1286/2014 hefur verið innleidd í íslenskan rétt: Í d-lið 1. mgr. 14. gr. reglugerðar (ESB) 2019/979 kemur fram að viðvörun um skilning, eins og farið er fram á skv. b-lið 3. mgr. 8. gr. reglugerðar Evrópuþingsins og ráðsins (ESB) nr. 1286/2014, skuli koma fram í auglýsingu um lýsingu. Séu skilyrði i. og ii. liðar d-liðar 1. mgr. 14. gr. reglugerðar (ESB) 2019/979 uppfyllt skal koma fram í viðvöruninni að verið sé að kaupa fjármálaafurð sem er flókin og gæti verið erfitt að skilja.
Eftirfarandi gildir þar til tilskipun 2014/65/ESB hefur verið innleidd í íslenskan rétt: Í i. lið d-liðar 1. mgr. 14. gr. reglugerðar (ESB) 2019/979 er tilvísun til flókinna verðbréfa annarra en þeirra fjármálagerninga sem vísað er til í i., ii. og vi. liðum a-liðar 4. mgr. 25. gr. tilskipunar Evrópuþingsins og ráðsins 2014/65/ESB. Er þar átt við önnur verðbréf en eftirfarandi fjármálagerninga:
| |
a) |
Hlutabréf, sem viðskipti eru leyfð með á skipulegum verðbréfamarkaði eða á samsvarandi markaði þriðja lands eða á markaðstorgi fjármálagerninga þegar þau eru hlutabréf í fyrirtækjum og að undanskildum sjóðum um sameiginlega fjárfestingu, sem ekki eru verðbréfasjóðir, eða hlutabréf með innbyggðri afleiðu. |
| |
b) |
Skuldabréf eða önnur tryggð skuldaskjöl sem viðskipti eru leyfð með á skipulegum verðbréfamarkaði eða á samsvarandi markaði þriðja lands eða á markaðstorgi fjármálagerninga, þó ekki þau sem eru með innbyggðri afleiðu eða samsetningu sem gerir viðskiptavini erfitt um vik með að skilja meðfylgjandi áhættu. |
| |
c) |
Aðra ósamsetta fjármálagerninga.
|
Seðlabanka Íslands, 6. apríl 2020.
| |
Ásgeir Jónsson |
Rannveig Júníusdóttir |
| |
seðlabankastjóri. |
framkvæmdastjóri. |
VIÐAUKI
(sjá PDF-skjal)
|