1. gr.

7. gr. reglnanna breytist og verður svohljóðandi:

7. gr.

Fjárhæðir vegna mats á áhrifum tekna.

Við útreikning sérstaks húsnæðisstuðnings skal miða við tekjumörk samkvæmt leiðbeiningum fyrir sveitarfélög um framkvæmd sérstaks húsnæðisstuðnings skv. 2. mgr. 45. gr. laga nr. 40/1991, um félagsþjónustu sveitarfélaga, sem félags- og vinnumarkaðsráðuneytið gefur út árlega. Tafla með gild­andi tekjumörkum hverju sinni er birt á heimasíðu Múlaþings.

Tekið er mið af fjölda heimilismanna við útreikning sérstaks húsnæðisstuðnings. Tekjur undir neðri tekjumörkum skerða ekki rétt til sérstaks húsnæðisstuðnings. Sérstakur húsnæðisstuðningur fellur niður við efri tekjumörk í hverju tilfelli en skerðist hlutfallslega upp að því marki.

2. gr.

8. gr. reglnanna breytist og verður svohjóðandi:

8. gr.

Fjárhæð vegna mats á áhrifum eigna.

Við útreikning sérstaks húsnæðisstuðnings skal miða við eignamörk samkvæmt leiðbeiningum fyrir sveitarfélög um framkvæmd sérstaks húsnæðisstuðnings skv. 2. mgr. 45. gr. laga nr. 40/1991, um félagsþjónustu sveitarfélaga, sem félags- og vinnumarkaðsráðuneytið gefur út árlega. Gildandi eigna­mörk hverju sinni eru birt á heimasíðu Múlaþings.

Við útreikning sérstaks húsnæðisstuðnings er tekið mið af eignum umsækjanda og annarra heimilis­manna.

3. gr.

Reglur þessar, sem settar eru með stoð í 45. gr. laga um félagsþjónustu sveitar­félaga nr. 40/1991 og byggjast á meginreglum þeirra laga, sbr. einkum 1. gr. og IV. kafla, taka þegar gildi.

Samþykkt í sveitarstjórn Múlaþings 16. ágúst 2023.

Egilsstöðum, 17. ágúst 2023.

Björn Ingimarsson sveitarstjóri.