1. gr.
Heiti.
Sjóðurinn heitir Málsóknarsjóður Gráa hersins.
2. gr
Form.
Sjóðurinn er sjálfseignarstofnun sem starfar samkvæmt skipulagsskrá þessari, sem hlotið hefur staðfestingu sýslumanns samkvæmt lögum nr. 19/1988. Sjóðurinn stundar ekki atvinnustarfsemi.
3. gr.
Heimili og varnarþing.
Heimili sjóðsins og varnarþing er í Reykjavík.
4. gr.
Tilgangur.
Tilgangur sjóðsins er að kosta málarekstur einstaklings eða einstaklinga gegn íslenska ríkinu fyrir dómstólum, þar sem látið verði reyna á lögmæti gildandi ákvæða um skerðingar ellilífeyris og heimilisuppbótar almannatrygginga vegna annarra tekna ellilífeyristaka, og eftir atvikum önnur atriði í samskiptum ellilífeyristaka og hins opinbera.
Miðað verður við að framlög sjóðsins standi undir öllum málskostnaðinum. Gerður verði samningur milli sjóðsins og einstaklings/einstaklinga, sem hann ákveður að styðja, um nánari tilhögun málarekstrarins og greiðslu kostnaðar.
5. gr.
Stofnendur.
Stofnendur sjóðsins eru eftirtalin félög sem leggja fram stofnfé sem hér segir:
Félag
|
Kennitala
|
Stofnframlag, kr.
|
Félag eldri borgara í Reykjavík og nágrenni |
490486-3999 |
301.000 |
Félag eldri borgara í Kópavogi |
431189-2759 |
10 |
Félag eldri borgara Garðabæ |
440294-2439 |
100.000 |
Félag eldri borgara í Hafnarfirði |
460476-0899 |
100.000 |
Félag eldri borgara Suðurnesjum |
670391-1329 |
100.000 |
Félag aldraðra Mosfellsbæ og nágrenni |
471102-2450 |
50.000 |
Félag eldri borgara Akranesi og nágrenni |
710890-2189 |
10 |
Félag eldri borgara Borgarnesi og nágrenni |
481298-2029 |
100.000 |
Félag aldraðra Borgarfjarðardölum |
551298-2649 |
10.000 |
Félag eldri borgara Grundarfjarðarbæ |
420398-2639 |
50.000 |
Félag eldri borgara í Dalabyggð og Reykhólahreppi |
491001-3480 |
10 |
Félag eldri borgara Ísafirði |
550597-2689 |
50.000 |
Félag eldri borgara Önundarfirði |
690702-2660 |
20.000 |
Félag eldri borgara Vestur-Barðastrandarsýslu |
431299-2089 |
10 |
Félag eldri borgara í Húnaþingi |
520202-3310 |
10 |
Félag eldri borgara Skagafirði |
560198-3109 |
10 |
Félag eldri borgara Siglufirði |
430998-2189 |
54.000 |
Félag aldraðra í Eyjafirði |
600597-3299 |
10 |
Félag eldri borgara á Akureyri |
651082-0489 |
75.000 |
Félag eldri borgara Dalvíkurbyggð |
530398-2189 |
10 |
Félag eldri borgara Ólafsfirði |
630394-2609 |
30.000 |
Félag eldri borgara Húsavík |
621298-5349 |
10 |
Félag eldri Mývetninga |
450299-3409 |
10 |
Félag eldri borgara í Öxarfjarðarhéraði |
561105-1110 |
10.000 |
Félag eldri borgara Fljótsdalshéraði |
451092-2009 |
20.000 |
Félag eldri borgara á Eskifirði |
670396-2239 |
10 |
Félag eldri Hornfirðinga |
660191-1209 |
10 |
Félag eldri borgara Selfossi |
410791-2269 |
30.000 |
Félag eldri borgara í Biskupstungum |
590309-1250 |
10 |
Félagið 60 plús í Laugardal |
590515-2130 |
10 |
Félag eldri borgara í Ölfusi |
540295-2049 |
50.000 |
Félag eldri borgara Rangárvallasýslu |
670493-2109 |
50.000 |
Félag eldri borgara Vestmannaeyjum
|
670296-2029
|
10
|
Samtals 33 félög |
Stofnframlög samtals kr. 1.200.150 |
6. gr.
Stofnfé og eignir.
Stofnfé sjóðsins er 1.200.150 kr. sem lagt er fram af stofnendum, sbr. 5. gr. Stofnféð er óskerðanlegt.
Sjóðurinn ber ábyrgð á skuldbindingum sínum með öllum eignum sínum og öðrum þeim verðmætum er hann kann að eignast síðar. Stofnendur hafa engin sérréttindi í sjóðnum.
Óheimilt er að veðsetja eignir sjóðsins. Óheimilt er að ráðstafa eignum sjóðsins í öðrum tilgangi en þeim sem greinir í 4. gr., sbr. þó 12. gr.
7. gr.
Tekjur.
Sjóðurinn stendur fyrir fjársöfnunum til málefnisins og veitir viðtöku styrkjum og öðrum framlögum. Óheimilt er að verja tekjum sjóðsins í öðrum tilgangi en segir í 4. gr.
Sjóðnum er óheimilt að taka lán.
8. gr.
Stjórn.
Fyrsta stjórn sjóðsins skal skipuð eftirtöldum þremur aðalmönnum og tveimur varamönnum til þriggja ára:
Ingibjörg H. Sverrisdóttir |
kt. 240347-2029 |
aðalmaður |
Wilhelm Wessman |
kt. 021042-7819 |
aðalmaður |
Þorbjörn Guðmundsson |
kt. 250949-2949 |
aðalmaður |
Finnur Birgisson |
kt. 070646-3239 |
varamaður |
Stefanía Magnúsdóttir |
kt. 290542-3839 |
varamaður |
Að liðnum þremur árum frá stofndegi skal fráfarandi stjórn kjósa nýja stjórn þriggja aðalmanna og tveggja varamanna til næstu þriggja ára. Við kjör stjórnarmanna skal einfaldur meirihluti ráða.
Stjórnin skiptir sjálf með sér verkum. Stjórnin stýrir öllum málefnum sjóðsins og kemur fram út á við fyrir hönd hans. Stjórnin skal sjá til þess að skipulag og starfsemi hans sé jafnan í réttu og góðu horfi. Undirskriftir meirihluta stjórnar skuldbinda sjóðinn. Stjórnin getur veitt umboð fyrir sjóðinn.
Stjórn sjóðsins er óháð í störfum sínum og tekur ekki við fyrirmælum frá öðrum um málefni sjóðsins, þ.m.t. frá stofnendum.
9. gr.
Stjórnarfundir.
Formaður stjórnar boðar til stjórnarfunda. Boðað skal til fundar með tryggilegum hætti og hæfilegum fyrirvara. Stjórnarmaður skal tilkynna formanni um forföll og skal formaður þá boða varamann í hans stað. Formanni er skylt að boða til fundar ef meirihluti stjórnarmanna krefst þess.
Stjórnarfundur er lögmætur ef boðað hefur verið til hans í samræmi við 1. mgr. og meirihluti stjórnar sækir fund.
Halda skal fundargerðabók um það sem gerist á stjórnarfundum.
10. gr.
Endurskoðendur.
Stjórn sjóðsins skal velja einn eða fleiri löggilta endurskoðendur/skoðunarmenn til að endurskoða reikninga sjóðsins fyrir hvert starfsár. Endurskoðendur má ekki kjósa úr hópi stjórnarmanna sjóðsins.
11. gr.
Reikningsárið.
Reikningsár sjóðsins er almanaksárið og er fyrsta reikningstímabil frá stofnun sjálfseignarstofnunarinnar og til næstu áramóta.
12. gr.
Breyting skipulagsskrár, slit og sameining.
Óheimilt er að breyta skipulagsskrá þessari eða sameina sjóðinn annarri sjálfseignarstofnun, sbr. þó 6. gr. laga nr. 19/1988.
Með samþykki allra stjórnarmanna sjóðsins má leggja hann niður. Slíkt skal svo borið skriflega undir embætti sýslumannsins á Norðurlandi vestra. Komi til niðurlagningar sjóðsins skal hreinni eign hans varið til að styðja við starfsemi eða verkefni, sem miða að því að auka velferð og bæta hag aldraðra, eftir vali sjóðstjórnarinnar.
13. gr.
Staðfesting sýslumanns.
Leita skal staðfestingar sýslumannsins á Norðurlandi vestra á skipulagsskrá þessari.
Skipulagsskrá þessi staðfestist hér með samkvæmt lögum um sjóði og stofnanir sem starfa samkvæmt staðfestri skipulagsskrá, nr. 19/1988.
F.h. sýslumannsins á Norðurlandi vestra, 15. október 2019,
Björn Hrafnkelsson.
|