Orkubúinu er heimilt að takmarka aðgang að heitavatnskerfi ef orkuöflun gefur tilefni til. Sé fyrirsjáanlegt vegna fjarlægðar eða annarra aðstæðna að kostnaður við lagningu heimæðar verði meira en 50% hærri en skv. gildandi gjaldskrá, skal greiða þann áætlaða kostnað sem er umfram 50%.

Sé ný heimæð ekki tekin í notkun eða veitu lokað, í 6 mánuði eða lengur má búast við aftengingu heimæðar. Hafi notkun aldrei hafist á nýrri heimæð eða fallið niður í veitum sem hafa verið í notkun, í að minnsta kosti 5 ár, telst heimæð aflögð og þarf að greiða fullt tengigjald til að notkun geti hafist. Fyrir skemmri tíma greiðist fastagjald samkvæmt gildandi verðskrá fyrir hvert ár auk endurtengingargjalds (uppsetning orkumælis).

Öll verð í verðskránni eru án virðisaukaskatts. Virðisaukaskattur og niðurgreiðslur eru samkvæmt gildandi lögum og reglum á hverjum tíma.

Gjaldskrá þessi, sem samþykkt er af stjórn Orkubús Vestfjarða ohf., staðfestist hér með samkvæmt lögum nr. 40, 30. maí 2001, og orkulögum nr. 58. 29. apríl 1967, með síðari breytingum, til að öðlast gildi 1. ágúst 2008 og birtist til eftirbreytni öllum sem hlut eiga að máli. Jafnframt er úr gildi felld eldri gjaldskrá sama efnis, nr. 211/2008.

F. h. r.
Kristján Skarphéðinsson.