1. gr.

Flutningur persónuupplýsinga úr landi. Fullnægjandi vernd.

Lög eftirtalinna ríkja teljast veita persónuupplýsingum fullnægjandi vernd samkvæmt ákvörð­unum framkvæmdastjórnar Evrópusambandsins, sem gilda hér á landi í samræmi við ákvarðanir sam­eigin­legu EES-nefndarinnar, sbr. 16. gr. laga nr. 90/2018 um persónuvernd og meðferð persónu­­upplýsinga og 45. gr. reglugerðar (ESB) 2016/679 um vernd einstaklinga í tengslum við vinnslu persónu­­upplýsinga og um frjálsa miðlun slíkra upplýsinga. Því er heimilt að flytja persónu­upplýs­ingar til þessara ríkja, að fullnægðum skilyrðum reglugerðarinnar:

1. Japan,
2. Bretland,
3. Lýðveldið Kórea.

Lög eftirtalinna ríkja teljast veita persónuupplýsingum fullnægjandi vernd samkvæmt ákvörð­unum framkvæmdastjórnar Evrópusambandsins sem teknar voru fyrir gildstöku reglugerðar (ESB) 2016/679, sbr. 9. mgr. 45. gr. hennar. Því er heimilt að flytja persónuupplýsingar til þessara ríkja, að fullnægðum skilyrðum reglugerðarinnar:

1. Andorra,
2. Argentína,
3. Kanada,
4. Færeyjar,
5. Guernsey,
6. Ísrael,
7. Mön,
8. Jersey,
9. Nýja-Sjáland,
10. Sviss,
11. Úrúgvæ.

2. gr.

Gildistaka o.fl.

Auglýsing þessi er gefin út með stoð í 16. gr. laga nr. 90/2018 um persónuvernd og vinnslu persónu­­upplýsinga og kemur í stað auglýsingar nr. 228/2010 um flutning persónuupplýsinga til annarra landa, eins og henni var breytt með auglýsingu nr. 1036/2015 og nr. 953/2016. Auglýsing þessi öðlast þegar gildi.

Dómsmálaráðuneytinu, 4. október 2022.

Jón Gunnarsson.

Haukur Guðmundsson.