1. gr.

18. mgr. 84. gr. reglnanna, um MA-nám í norrænni trú, fellur brott.

2. gr.

Eftirfarandi breytingar verða á 97. gr. reglnanna:

1. Á eftir staflið a í upptalningu kennslugreina í 1. mgr. bætist við nýr stafliður, svohljóðandi: Til BS-prófs í hjúkrunarfræði fyrir fólk með annað háskólapróf.
2. Í stað orðanna „180 eininga“ í 1. málslið 10. mgr. kemur: 180 eða 240 eininga.

3. gr.

Eftirfarandi breytingar verða á 98. gr. reglnanna:

1. Í stað orðanna „til BS-prófs“ í 1. málslið 7. mgr. kemur: til 240 eininga BS-prófs.
2. Á eftir 1. málslið 7. mgr. bætist við nýr málsliður, svohljóðandi: Stúdent í námi í hjúkrunar­fræði fyrir fólk með annað háskólapróf skal hafa lokið prófi eigi síðar en þremur árum eftir skráningu í námið.

4. gr.

Í stað orðanna „180 eininga“ í 5. málslið 11. mgr. 99. gr. og 1. málslið 9. mgr. 103. gr. regln­anna kemur: 180 eða 240 eininga.

5. gr.

Eftirfarandi breytingar verða á 105. gr. reglnanna:

1. Á eftir c-lið 1. mgr. bætist við nýr stafliður, svohljóðandi: Til meistaraprófs í hagnýtri atferlis­­greiningu, í samstarfi við deild heilsueflingar, íþrótta og tómstunda, sbr. 119. gr. þessara reglna.
2. Á eftir 7. mgr. bætist við ný málsgrein, svohljóðandi:
     Diplómanám í hagnýtri atferlisgreiningu er 60 eininga þverfræðilegt framhaldsnám sem sálfræðideild býður í samstarfi við deild heilsueflingar, íþrótta og tómstunda. Nám þetta er hægt að fá metið inn í námsleið til meistaraprófs í hagnýtri atferlisgreiningu, að uppfylltum inntökuskilyrðum.
3. Í stað orðanna „180 eininga“ í 1. málslið núverandi 8. mgr. kemur: 180 eða 240 eininga.

6. gr.

Eftirfarandi breytingar verða á upptalningu kennslugreina til BA-prófs í a-lið 1. mgr. 109. gr. reglnanna:

1. Á eftir orðunum „kínversk fræði“ bætast við orðin: klassísk mál.
2. Á eftir orðinu „rússneska“ bætast við orðin: skandinavísk fræði.

7. gr.

Eftirfarandi breytingar verða á 119. gr. reglnanna:

1. Á eftir e-lið 1. mgr. bætist við nýr stafliður, svohljóðandi: Til meistaraprófs: Hagnýt atferl­is­greining, í samstarfi við sálfræðideild, sbr. 105. gr. þessara reglna.
2. Á eftir 13. mgr. bætist við ný málsgrein, svohljóðandi:
     Námsleið til meistaraprófs í hagnýtri atferlisgreiningu er 120 eininga þverfræðilegt nám sem deild heilsueflingar, íþrótta og tómstunda býður í samstarfi við sálfræðideild. Fagleg ábyrgð á námsleiðinni er í höndum námsstjórnar, sem skipuð er tveimur fulltrúum heil­brigðis­vísindasviðs og tveimur fulltrúum menntavísindasviðs, auk eins fulltrúa utan háskól­ans, samkvæmt tilnefningu deildanna. Menntavísindasvið og þá einkum deild heilsu­eflingar, íþrótta og tómstunda annast umsýslu með náminu að öðru leyti. Fræðasviðin tvö gera með sér sérstakt samkomulag um þverfræðilegt nám í hagnýtri atferlisgreiningu, þar sem m.a. er kveðið á um inntökuskilyrði, meðferð umsókna, námskröfur og hlutverk stjórnar námsins. Nemendur brautskrást frá þeirri deild þar sem rannsóknarverkefni (loka­ritgerð) nemanda er unnið.
3. Á eftir núverandi 17. mgr. bætist við ný málsgrein, svohljóðandi:
     Diplómanám í hagnýtri atferlisgreiningu er 60 eininga þverfræðilegt framhaldsnám sem deild heilsueflingar, íþrótta og tómstunda býður í samstarfi við sálfræðideild. Nám þetta er hægt að fá metið inn í námsleið til meistaraprófs í hagnýtri atferlisgreiningu, að uppfylltum inntökuskilyrðum.

8. gr.

Fremst í upptalningu greina til doktorsprófs í c-lið 1. mgr. 123. gr. reglnanna bætist við orðið: efna­verkfræði.

9. gr.

Reglur þessar, sem samþykktar hafa verið í háskólaráði Háskóla Íslands, eru settar í samræmi við lög nr. 85/2008 um opinbera háskóla og öðlast þegar gildi.

Háskóla Íslands, 13. janúar 2020.

Jón Atli Benediktsson.