1. gr.

2. málsl. 3. mgr. 31. gr. reglnanna orðast svo: Rektor tekur ákvörðun um hvort ráðning akadem­ísks starfsmanns verður ótímabundin, að fenginni tillögu framgangs- og fastráðningar­nefndar Háskóla Íslands, í samræmi við ákvæði reglna nr. 1301/2020 um ótímabundna ráðningu akadem­ísks starfsfólks við Háskóla Íslands.

2. gr.

Eftirfarandi breytingar verða á 38. gr. reglnanna:

1. Í stað orðsins „framgangsnefnd“ í 1. málsl. 1. mgr. kemur: framgangs- og fastráðningar­nefnd.
2. 2. málsl. 1. mgr. orðast svo: Um framgang gilda ákvæði reglna nr. 1300/2020 um framgang akademísks starfsfólks við Háskóla Íslands.

3. gr.

2. málsl. 1. mgr. 40. gr. reglnanna orðast svo: Skal ein dómnefnd skipuð fyrir hvert af fræða­sviðum háskólans til þess að fjalla um ráðningarmál í laus störf á viðkomandi sviði þar sem hæfnis­dóms er krafist.

4. gr.

Eftirfarandi breytingar verða á 41. gr. reglnanna:

1. 1. málsl. 3. töluliðar 6. mgr. orðast svo: Við mat á umsækjendum um auglýst störf eða önnur ný störf skal, auk framangreindra sjónarmiða, höfð hliðsjón af þeim lágmarksfjölda stiga sem kveðið er á um í töflum 1 og 2 í lok 7. gr. reglna nr. 1300/2020 um framgang akademísks starfsfólks við Háskóla Íslands, varðandi mat á starfsþáttum.
2. Á eftir 1. málsl. 3. töluliðar 6. mgr. bætist við nýr málsliður, svohljóðandi: Þegar um er að ræða starf lektors eða sérfræðings skal gerð krafa um að lágmarki 30 rannsóknastig.

5. gr.

Reglur þessar, sem samþykktar hafa verið í háskólaráði Háskóla Íslands, eru settar í samræmi við lög nr. 85/2008 um opinbera háskóla og öðlast þegar gildi.

Háskóla Íslands, 10. maí 2021.

Jón Atli Benediktsson.