1. gr. Í öðrum málslið 1. gr. bætist við orðið „vettvangsnámi“. Málsliðurinn verður þannig: Með símati er átt við námsmat sem fer fram utan reglulegrar próftíðar, til dæmis með símatsprófum, ritgerðum, munnlegum og skriflegum skýrslum, dagbókum, námsmöppum (portfolios), vettvangsnámi eða þátttöku í kennslustundum. 2. gr. Annar málsliður í staflið d) í 2. gr. verður (nýr málsliður): Nemendum skulu birtar einkunnir úr símatsþáttum innan 30 daga frá skila- eða prófdegi. 3. gr. Í staflið f) í 3. gr. fellur burt orðið „kennslusviðs“. Málsliðurinn verður þannig: Að sjá um, í samvinnu við aðra starfsmenn, að úrlausnir berist til viðkomandi umsjónarkennara. 4. gr. Í staflið b) í 4. gr. falla burt orðin „bakkalárnámi, meistaranámi og doktorsnámi“ og í staðinn kemur orðið: framhaldsnámi. Málsliðurinn verður þannig: Vegna lokaverkefna í framhaldsnámi. 5. gr. Í staflið e) í 4. gr. breytist vísun í „grein 7 e“ í: grein 7 c. 6. gr. Á eftir 5. málslið í staflið d) í 5. gr. kemur nýr málsliður sem orðast svo: Nemanda sem ekki hefur náð lágmarkseinkunn í námskeiði og hefur skilað inn vottorði vegna prófs í viðkomandi námskeiði í reglulegri próftíð, sjúkra- og endurtökupróftíð eða hvoru tveggja, er heimilt að taka prófið næst þegar reglulegt próf er haldið í námskeiðinu. Hafi nemendi þá ekki náð lágmarkseinkunn verður hann að endurskrá sig í námskeiðið. 7. gr. Í öðrum málslið stafliðar e) í 5. gr. bætast við orðin: fyrir endurtökupróf. Málsliðurinn verður þannig: Háskólanum er heimilt að að innheimta próftökugjald sem ákveðið er af háskólaráði fyrir endurtökupróf og skal greiðsla fara fram við skráningu í próf. 8. gr. Í þriðja málslið stafliðar e) í 5. gr. falla niður orðin „sjúkra- og“. Málsliðurinn verður þannig: Skráning í endurtökupróf er ekki gild nema prófgjald berist áður en skráningarfrestur í prófið rennur út. 9. gr. Í þriðja málslið stafliðar a) í 7. gr. falla niður orðin „aðeins á viðkomandi skólaári nema deild ákveði aðra reglu“ og í staðinn kemur: meðan nemandinn hefur próftökurétt, nema deild ákveði aðra reglu. Málsliðurinn verður þannig: Hafi nemandi staðist námsmatsþátt en ekki náð tilskilinni lokaeinkunn, gildir einkunn fyrir þann námsmatsþátt sem nemandinn stóðst meðan nemandinn hefur próftökurétt, nema deild ákveði aðra reglu. 10. gr. Í áttunda málslið stafliðar a) í 7. gr. breytist „Kennslusvið sér“ í: Skrifstofustjórar/kennslusvið sjá. 11. gr. Fyrsti og annar málsliður stafliðar b) í 7. gr. breytast og verða: Útskýringar á lokaeinkunn. Nemandi á rétt á að fá útskýringar frá kennara á mati skriflegrar úrlausnar sinnar innan 15 daga frá birtingu lokaeinkunnar eða á sýnidegi prófs sem halda skal innan 15 daga frá birtingu lokaeinkunnar. 12. gr. Í þriðja málslið stafliðar e) í 7. gr. fellur niður orðið „veikindi“ og í staðinn kemur orðið: vottorð. 13. gr. Reglur þessar, samþykktar af háskólaráði 28. febrúar 2011 eru settar á grundvelli laga nr. 85/2008 um opinbera háskóla með síðari breytingu og reglna fyrir Háskólann á Akureyri nr. 387/2009 og öðlast þegar gildi. Akureyri, 10. mars 2011. Stefán B. Sigurðsson rektor. Daníel Freyr Jónsson, verkefnis- stjóri prófa og fjarkennslu. |