Samkvæmt lögum um stofnun einkahlutafélags um Orkuveitu Húsavíkur nr. 13/2005, reglugerð um Orkuveitu Húsavíkur ohf., nr. 1227/2012 og orkulögum, nr. 58/1967, hefur ráðuneytið staðfest eftirfarandi breytingu á gjaldskrá Orkuveitu Húsavíkur, er taka á gildi 1. janúar 2022.

5. gr. gjaldskrárinnar verður svohljóðandi:

HÚSAVÍK OG REYKJAHVERFI

Heitt vatn, almenn notkun¹

Heitt vatn, fast gjald³

AÐALDALUR OG KINN

Heitt vatn, almenn notkun¹

Heitt vatn, fast gjald³

¹    Almenn notkun miðast við gjald pr. m³.
²    HU = heitt vatn til upphitunar á gervigrasvelli.
³    Fast gjald miðast við stærð mælis og er óháð notkun.

Heitt vatn, annað.

Grunnverð fyrir sumarhús, frístundahús, verbúðir, gripahús og sambærileg hús er fast gjald og tekur gjaldið mið af stærð mælis, en minnsta gjaldfærða notkun á heitu vatni til slíkra eigna er 350 m³/ár.

Heimilt er að miða innheimtu skatts af heitu vatni við áætlaða sölu.

Greiða skal í ríkissjóð 2% umhverfis- og  auðlindaskatt af heitu vatni.

Virðisaukaskattur er 11% af vatni til húshitunar. Mæld snjóbræðsla og vatn til iðnaðarnota ber 24% vsk.

Heimlögn fyrir heitt vatn á veitusvæðinu.

11% virðisaukaskattur reiknast á heimæðargjöld fyrir heimæðar til húshitunar, en 24% á heimæðar­gjöld til annarra nota.

Greitt er 2% lengdargjald fyrir hvern metra heimlagnar umfram 20 m.

Heitt vatn, iðnaðarvatn.

Stærri notendur geta sótt um að kaupa heitt vatn á 75% af verði verðskrár, þar sem heitt vatn er notað sem beinn framleiðsluþáttur í atvinnustarfsemi notanda.

Stórnotandi er sá sem notar meira en 100.000 m³ af heitu vatni árlega.

Annað, varðandi veitusvæði Orkuveitu Húsavíkur.

Virðisaukaskattur á þjónustugjöld er 0%, 11% eða 24% og ákvarðast af vsk hlutfalli við­komandi veitutaxta.

¹  Heimlagnir fyrir bæði heitt og kalt vatn skulu lagðar í ídráttarrör frá lóðarmörkum að húsvegg. Vanti ídráttarrör eða að ídráttarrör reynist ónothæf, greiðist aukagjald skv. samþykktri gjaldskrá OH.
²  Óski eigandi húsveitu eftir að heimlögn sé lögð þegar frost er í jörðu, er heimilt að innheimta aukagjald skv. samþykktri gjaldskrá OH.
³  Viðskiptavinir sem sjálfir lesa af mælum og færa mælastöður inn á þar til gert svæði á „mínum síðum“ OH, greiða ekki fyrir mælaálestur. Starfsmenn OH þurfa þó skv. reglugerð þar um að lesa af og staðfesta mælastöður á 5 ára fresti.
⁴  Sé um vanskil að ræða sem krefjast þess að senda þarf lokunarmann á staðinn.
⁵  Þeir viðskiptavinir sem nota boðgreiðslur eða beingreiðslur greiða ekki innheimtugjald og fá ekki senda innheimtuseðla, en geta nálgast þá í heimabanka eða á „mínum síðum“ OH.

Almennar skýringar.

Greiða skal fyrir hverja heimlögn sem tengir húsveitu við dreifikerfi OH og skal greitt þegar umsókn hefur verið samþykkt hjá OH. Afstöðumynd er sýnir allar lagnir skal fylgja umsókn.

Verðskrá miðast við að ídráttarrör fyrir heimlagnir hafi verið lögð á frostfríu dýpi, frá tengistað OH við lóðarmörk að inntaksstað mannvirkis og að frágangur hafi verið tekinn út og samþykktur af OH.

Rörastærðir ídráttarröra sem lagðar eru að lóðarmörkum skulu vera:

Sé fyrirsjáanlegt, vegna fjarlægða eða annarra aðstæðna, að kostnaður við heimlögn verði meira en 50% hærri en gildandi verðskrá segir til um, skal notandi greiða þann kostnað sem er umfram 50% skv. nánari ákvörðun OH.

Þegar heimlögn er stækkuð, skal greiða fullt verð fyrir hina nýju heimlögn að frádregnu hálfu gjaldi eldri heimlagnar, hvort tveggja miðað við gildandi verðskrá þegar breytingin fer fram.

Heimilt er þó að lækka verðið, eða fella niður þegar sérstakar aðstæður mæla með því að mati OH.

Húseigandi/notandi kostar breytingar á heimæðum sem nauðsynlegar eru vegna framkvæmda hans og greiðir fyrir þær.

Sé óskað eftir aukamæli á heimlögn, skal staðsetja mælinn í sama rými og aðalmæli og sem næst inntaksstað.

Óski notandi eftir stærri heimlögn en getið er í verðskrá skal gerður um það sérstakur samn­ingur.

Þar sem heimlagnir fyrir heitt og kalt vatn koma inn í fasteign, skal vera niðurfall.

Gjalddagi reikninga er 15. hvers mánaðar og eindagi 1. næsta mánaðar.

Dráttarvextir reiknast eftir eindaga, frá gjalddaga.

Umhverfis- og auðlindaráðuneytinu, 21. desember 2021.

F. h. umhverfis-, orku- og loftslagsráðherra,

Stefán Guðmundsson.