1. gr.
Bæjarstjórn Sveitarfélagsins Hornafjarðar er heimilt að leggja á sérstakt gjald vegna meðferðar úrgangs í Sveitarfélaginu Hornafirði.
Árlegt grunngjald vegna sorphirðu, sorpeyðingar og endurvinnslu í sveitarfélaginu er sem hér segir:
| Íbúðir. |
|
| Einingargjald sorphirðu á íbúð er |
26.400 kr. |
| Einingargjald sorpeyðingar er |
15.900 kr. |
| Óski greiðendur eftir fleiri sorpílátum greiðist viðbótargjald. |
|
| Sorphirðu og sorpeyðingargjald fyrir 240 l tunnu |
22.500 kr. |
| Lífrænt ílát |
19.700 kr. |
| Græn tunna |
19.700 kr. |
Hver húseigandi sem greiðir ofangreint gjald fyrir íbúð fær afhent eitt klippikort á ári.
Eitt klipp af klippikorti sem húseigendur fá afhent samsvarar 4 m³. Á hverju klippikorti eru 16 klipp, hvert klipp er 0,25 m³. Aukaklippikort fyrir 4 m³ kostar 9.200 kr. og er miðað við að 0,25 m³ geti verið allt að 25 kg.
Á hvert frístundahús er heimilt að leggja sérstakt gjald vegna sorphirðu og/eða sorpeyðingar. Þar sem sumarbústaðir eru 20 eða fleiri skal leggja á sérstakt gjald fyrir sorphirðu að viðbættu sorpeyðingargjaldi enda verður komið upp gámasvæði við sumarbústaðahverfi með yfir 20 bústöðum eða fleiri yfir mesta ferðamannatímann frá 1. júní – 1. september. Í sumarhúsahverfum með færri en 20 bústaði eru eingöngu lögð á gjöld vegna sorpeyðingar:
| Sorphirðugjald þar sem eru fleiri en 20 frístundahús |
4.700 kr. |
| Sorpeyðingargjald fyrir frístundahús |
6.300 kr. |
2. gr.
Gjald fyrir sorphirðu og sorpeyðingu samkvæmt 1. gr. hér að ofan er lagt á hverja íbúð í lögsagnarumdæmi sveitarfélagsins og er það innheimt með fasteignagjöldum.
3. gr.
Verði vanskil á greiðslu gjalda samkvæmt gjaldskrá þessari er hægt að innheimta gjöld með fjárnámi hjá viðkomandi án undangengins dóms, sbr. 4. mgr. 23. gr. laga nr. 55/2003 um meðhöndlun úrgangs og 1. gr. laga nr. 90/1989 um aðför. Gjöld eru tryggð með lögveðsrétti í viðkomandi fasteign í tvö ár eftir gjalddaga, sbr. lokamálsgrein 25. gr. laga um hollustuhætti og mengunarvarnir nr. 7/1998.
4. gr.
Gjaldskrá þessi er sett með heimild í 11. gr. samþykktar nr. 236/2018 um meðhöndlun úrgangs í Sveitarfélaginu Hornafirði.
Gjaldskrá þessi er samin og samþykkt af bæjarráði þann 10. desember 2019 og staðfest af bæjarstjórn Sveitarfélagsins Hornafjarðar þann 12. desember 2019 samkvæmt ákvæðum laga nr. 7/1998.
Gjaldskráin tekur gildi við birtingu. Jafnframt fellur úr gildi eldri gjaldskrá nr. 1309/2019.
Sveitarfélaginu Hornafirði, 27. janúar 2021.
Matthildur Ásmundardóttir bæjarstjóri.
|