Bæjarstjórn Mosfellsbæjar hefur samþykkt deiliskipulagsbreytingar sem hér segir:
Fossatunga 17-19. Breytingin varðar aðeins lóðina Fossatungu 17-19 og felur í sér að hæð húss er hækkuð um 70 sm, fer úr 8 m í 8,7 m. Aðrir skilmálar skipulagsins eru óbreyttir.
Lundur í Mosfellsdal. Skipulagið tekur til lögbýlisins Lundar í Mosfellsdal, L123710. Skipulagssvæðið er tæpir 10 ha. Breytingin felur í sér tilfærslu byggingarreita og sameiningu þeirra. Innan skipulagsins má byggja tvö íbúðarhús með bílskúrum að hámarki samanlagt 850 m², gróðurhús og tengda starfsemi að hámarki 21.000 m², tilraunagróðurhús 2.500 m² og smáhýsi fyrir starfsmenn samanlagt 600 m².
Ofangreindar breytingar hafa hlotið þá meðferð sem skipulagslög nr. 123/2010 mæla fyrir um og öðlast þær þegar gildi.
F.h. Mosfellsbæjar, 29. júní 2020,
Kristinn Pálsson skipulagsfulltrúi.
|