1. gr.

Eftirfarandi breytingar verða á 94. gr. reglnanna:

1. Á eftir 2. mgr. bætist við ný málsgrein, svohljóðandi:
     Til BS-prófs er krafist 180 eininga en til meistaraprófs ýmist 90 eða 120 eininga. Nánari reglur um MS- og MA-nám en fram koma í þessum kafla skulu staðfestar af háskólaráði, sbr. ákvæði 66. og 69. gr. þessara reglna. Deildin setur nánari reglur um inntökuskilyrði, náms­leiðir og námskröfur.
2. 4. og 8. mgr. falla brott.

2. gr.

Í stað orðsins „iðnmeistara“ í 15. mgr. 117. gr. reglnanna kemur orðið: starfsmenntakennara.

3. gr.

Eftirfarandi breytingar verða á 121. gr. reglnanna:

1. Orðin „menntastefnur og matsfræði; starfstengd leiðsögn og kennsluráðgjöf; stjórnun mennta­stofnana“ í c-lið 1. mgr. falla brott.
2. Núverandi d-liður 1. mgr. fellur brott.
3. Núverandi e-liður 1. mgr. verður d-liður.
4. Í stað orðsins „þrjár“ í 3. mgr. kemur orðið: tvær.
5. Orðin „námsbraut í menntastjórnun og matsfræði“ í 3. mgr. falla brott.
6. Núverandi 16. mgr. fellur brott.
7. Núverandi 17. mgr. fellur brott.

4. gr.

Eftirfarandi breytingar verða á 122. gr. reglnanna:

1. Við upptalningu kennslugreina til MA-prófs í c-lið 1. mgr. bætist orðið: matsfræði.
2. Við upptalningu kennslugreina til M.Ed.-prófs í d-lið 1. mgr. bætast orðin: menntastefnur og matsfræði; starfstengd leiðsögn og kennsluráðgjöf; stjórnun menntastofnana.
3. Í stað orðsins „þrjár“ í 3. mgr. kemur orðið: fjórar.
4. Við upptalningu námsbrauta í 3. mgr. bætast við orðin: námsbraut í menntastjórnun og mats­fræði.
5. Á eftir 22. mgr. bætast við tvær nýjar málsgreinar, svohljóðandi:
     Diplómanám í kennslufræði háskóla er sjálfstætt 30 eininga nám á meistarastigi.
     Diplómanám í menntastjórnun og matsfræði er sjálfstætt 30 eininga eða 60 eininga nám á meistarastigi.

5. gr.

Reglur þessar, sem samþykktar hafa verið í háskólaráði Háskóla Íslands, eru settar í samræmi við lög nr. 85/2008 um opinbera háskóla og öðlast gildi 1. júlí 2024.

Háskóla Íslands, 15. janúar 2024.

Jón Atli Benediktsson.