Bæjarstjórn Mosfellsbæjar hefur samþykkt eftirfarandi skipulagsáform:

Úr landi Miðdals, L125371, frístundalóð, nýtt deiliskipulag – 529-F.
Bæjarstjórn Mosfellsbæjar samþykkti 16. ágúst 2023, nýtt deiliskipulag fyrir frístundalóð í landi Miðdals, L125371. Deiliskipulagið hefur fengið afgreiðslu skv. 40. og 41. gr. skipulagslaga nr. 123/2010.
Um er að ræða nýtt deiliskipulag við Hrís­höfða, á 1,1 ha landi. Heimilt er að byggja eitt frístunda­hús allt að 200 m². Aðkoma er um sameiginlega einkavegi er tengjast Nesjavalla­vegi um Lyng­hóls­veg, vestan Dal­lands.

Laxatunga 43, deiliskipulagsbreyting – 104-Íb.
Skipulagsfulltrúi samþykkti á afgreiðslufundi 1. september 2023 deiliskipulagsbreytingu fyrir Laxatungu 43. Breytingin hefur fengið afgreiðslu skv. 2. mgr. 43. gr. skipulagslaga nr. 123/2010.
Breytingin felur í sér að heimilt verður að byggja bíl­skúr undir húsi með samliggj­andi niður­keyrslu að Laxa­tungu 41. Skilgreind er ný húsagerð E-IIG fyrir einbýlis­hús á tveimur hæðum með bíla­geymslu í kjallara. Hámarks­mænishæð húss er 5,5 m frá gólfkóta fyrstu hæðar. Bundin bygg­ingar­lína við götu er felld niður.

Þverholt 9-21, deiliskipulagsbreyting – 116-M.
Bæjarstjórn Mosfellsbæjar samþykkti 30. ágúst 2023, deiliskipulagsbreytingu fyrir Þverholt 9-21. Deiliskipulagsbreytingin hefur fengið afgreiðslu skv. 2. mgr. 43. gr. skipulagslaga nr. 123/2010.
Breytingin felur í sér að fjölga bílastæðum um fimm við bakhús að Þverholti 19. Samhliða er núverandi frágangur á svæðinu, við Þverholt 11-15 færður í skipulag.

Tengibraut við Vogatungu, deiliskipulagsbreyting – 104-Íb.
Bæjarstjórn Mosfellsbæjar samþykkti 30. ágúst 2023, deiliskipulagsbreytingu fyrir tengibraut við Vogatungu. Deiliskipulagsbreytingin hefur fengið afgreiðslu skv. 2. mgr. 43. gr. skipulagslaga nr. 123/2010.
Breytingin felur í sér frágang á tengibraut í Leirvogstunguhverfi, frá Vesturlandsvegi að Fossa- og Vogatungu til samræmingar við áætlun um hraðaminnkandi aðgerðir.

Ofangreint skipulag og skipulagsbreyting hafa hlotið þá meðferð sem skipulagslög nr. 123/2010 mæla fyrir um og öðlast þegar gildi.

F.h. Mosfellsbæjar, 6. september 2023,

Kristinn Pálsson skipulagsfulltrúi.