Nýtt deiliskipulag fyrir Kaldárselsveg, tenging við Reykjanesbraut.
Í samræmi við skipulagslög nr. 123/2010 samþykkti bæjarráð Hafnarfjarðar í umboði bæjarstjórnar á fundi sínum þann 5. júlí 2017 nýtt deiliskipulag fyrir Kaldárselsveg ásamt breytingum á mörkum deiliskipulagsáætlana fyrir Mosahlíð og Ásland 3.
Málsmeðferð var skv. 41. gr. ofangreindra laga. Uppdráttur ásamt greinargerð og skipulags­skilmálum hafa hlotið þá meðferð sem ofangreind lög mæla fyrir um. Deiliskipulagið öðlast þegar gildi.

Hafnarfirði, 15. ágúst 2017.

Þormóður Sveinsson skipulagsfulltrúi.