1. gr.
Í 48. gr. samþykktarinnar kemur nýr stafliður ásamt fyrirsögn, svohljóðandi:
C. Tilnefning til fimm ára:
Bæjarstjórn ásamt þeim sveitarfélögum sem eiga aðild að umdæmisráði barnaverndar landsbyggða, skipa fimm manna valnefnd sem fer með umboð sveitarfélaganna til skipunar í umdæmisráð barnaverndar sbr. 14. gr. barnaverndarlaga nr. 80/2002 og 2. gr. samnings um umdæmisráð landsbyggða. Skipa skal fimm fulltrúa í valnefnd og jafnmarga til vara, einn frá hverjum landsfjórðungi og sá fimmti frá umsýslusveitarfélagi hverju sinni. Valnefnd skipar í umdæmisráð barnaverndar landsbyggða.
2. gr.
1. mgr. 53. gr. samþykktarinnar orðast svo:
Í því skyni að stuðla að hagræðingu, skilvirkni og hraðari málsmeðferð er bæjarstjórn heimilt að fela sviðsstjórum, skipulagsfulltrúa og forstöðumanni og starfsmönnum barnaverndarþjónustu fullnaðarafgreiðslu mála á sama hátt og með sömu skilyrðum og nefnd eru í 37. gr. samþykktar þessarar.
3. gr.
Við samþykktina bætist nýr viðauki um fullnaðarafgreiðslu mála hjá Barnaverndarþjónustu Eyjafjarðar, viðauki 1.8, forstöðumaður barnaverndar og starfsfólk barnaverndar Akureyrarbæjar, sem birtur er með samþykkt þessari.
4. gr.
Samþykkt þessi sem bæjarstjórn Akureyrarbæjar hefur sett skv. ákvæðum 9. og 18. gr. sveitarstjórnarlaga nr. 138/2011, staðfestist hér með til að öðlast þegar gildi.
Innviðaráðuneytinu, 13. mars 2023.
F. h. r.
Aðalsteinn Þorsteinsson.
VIÐAUKI (sjá PDF-skjal)
|