Eftirtaldar ákvarðanir sameiginlegu EES-nefndarinnar fela í sér að tilteknar reglugerðir á sviði fjármálaþjónustu eru teknar upp í samninginn um Evrópska efnahagssvæðið, sbr. auglýsingu í C-deild Stjórnartíðinda nr. 31/1993 þar sem samningurinn var upphaflega birtur:
- Ákvörðun sameiginlegu EES-nefndarinnar nr. 80/2019 frá 29. mars 2019, birt á bls. 59 í EES‑viðbæti við Stjórnartíðindi Evrópusambandsins nr. 44 frá 2. júlí 2020. Tekin er upp m.a. eftirtalin reglugerð, með aðlögunum:
- Framseld reglugerð framkvæmdastjórnarinnar (ESB) 2015/62 frá 10. október 2014 um breytingu á reglugerð Evrópuþingsins og ráðsins (ESB) nr. 575/2013 að því er varðar vogunarhlutfallið, sjá fylgiskjal nr. 1 með auglýsingu þessari.
- Ákvörðun sameiginlegu EES-nefndarinnar nr. 16/2020 frá 7. febrúar 2020, sjá fylgiskjal nr. 2 með auglýsingu þessari.
- Ákvörðun sameiginlegu EES-nefndarinnar nr. 50/2021 frá 5. febrúar 2021, sjá fylgiskjal nr. 3 með auglýsingu þessari.
- Ákvörðun sameiginlegu EES-nefndarinnar nr. 301/2021 frá 29. október 2021, sjá fylgiskjal nr. 4 með auglýsingu þessari. Teknar eru upp m.a. eftirtaldar reglugerðir, með aðlögunum:
- Reglugerð Evrópuþingsins og ráðsins (ESB) 2019/876 frá 20. maí 2019 um breytingu á reglugerð (ESB) nr. 575/2013 að því er varðar vogunarhlutfall, hlutfall stöðugrar nettófjármögnunar, kröfur um eiginfjárgrunn og hæfar skuldbindingar, útlánaáhættu mótaðila, markaðsáhættu, áhættuskuldbindingar gagnvart miðlægum mótaðilum, áhættuskuldbindingar, gagnvart sjóðum um sameiginlega fjárfestingu, stórar áhættuskuldbindingar, skýrslugjafarskyldu og birtingarkröfur og reglugerð (ESB) nr. 648/2012, sjá fylgiskjal nr. 5 með auglýsingu þessari.
- Reglugerð (ESB) 2020/873 frá 24. júní 2020 um breytingu á reglugerð (ESB) nr. 575/2013 og (ESB) 2019/876 að því er varðar tilteknar aðlaganir til að bregðast við COVID-19-heimsfaraldrinum, sjá fylgiskjal nr. 6 með auglýsingu þessari.
Þær ákvarðanir sameiginlegu EES-nefndarinnar og reglugerðir sem að framan greinir og hafa ekki verið birtar í EES-viðbæti við Stjórnartíðindi Evrópusambandsins eru birtar sem fylgiskjöl með auglýsingu þessari. Birtingin er liður í undirbúningi þess að fjármála- og efnahagsráðherra leggi fyrir Alþingi lagafrumvarp til innleiðingar á viðkomandi reglugerðum í íslenskan rétt, með þeim aðlögunum sem gerðar hafa verið við upptöku þeirra í samninginn um Evrópska efnahagssvæðið. Sömu ákvarðanir og reglugerðir verða jafnframt á síðara stigi birtar í EES-viðbæti við Stjórnartíðindi Evrópusambandsins.
Þetta er hér með gert almenningi kunnugt.
Fjármála- og efnahagsráðuneytinu, 17. mars 2022.
F. h. r.
Guðrún Þorleifsdóttir.
Gunnlaugur Helgason.
Fylgiskjöl. (sjá PDF-skjal)
|