Deiliskipulag Holtahverfis. Bæjarstjórn Fjarðabyggðar samþykkti á fundi sínum 3. desember 2020 óverulega breytingu deiliskipulags Holtahverfis. Breytingin felst í að parhúsalóðir við Stekkholt 12 og 14 sameinast í eina, parhúsalóðir við Stekkholt 16 og 18 sameinast í eina og parhúsalóðir við Stekkholt 20 og 22 sameinast í eina. Lóð við Stekkholt 15 stækkar til austurs um tvo metra og lóð Stekkholts 17 færist sem því nemur. Einbýlishúsalóðir við Stekkholt 8 og 10 verða parhúsalóð. Lóðin við Stekkholt 19 er felld út. Deiliskipulagsbreytingin hefur fengið afgreiðslu skv. 2. mgr. 43. gr. skipulagslaga nr. 123/2010. Deiliskipulagið öðlast þegar gildi.
Fjarðabyggð, 4. febrúar 2021.
Jón Björn Hákonarson bæjarstjóri.
|