Velkomin á vef Stjórnartíðinda
Setja síðu í 1024px vídd Setja síðu í 1280px vídd Setja síðu í 1400px vídd Fyrir sjónskerta Venjulegt letur Stækka letur Stækka letur enn meira

Sé munur á uppsetningu texta hér að neðan og í PDF skjali gildir PDF skjalið.
 1055/2022

Nr. 1055/2022 1. september 2022

GJALDSKRÁ
fyrir hundahald í Reykjavíkurborg.

1. gr.

Af hundum í Reykjavíkurborg skal Dýraþjónusta Reykjavíkur innheimta gjöld samkvæmt gjald­skrá þessari, sem ætlað er að standi undir kostnaði við framkvæmd samþykktar um hundahald í Reykja­vík.

 

2. gr.

Við skráningu hunds skal innheimta gjald sem hér segir:

Skráningargjald kr. 2.200
Árlegt eftirlitsgjald kr. 10.800
Samtals kr. 13.000

Fyrir hunda sem undanþegnir eru árlegu eftirlitsgjaldi skv. samþykkt um hundahald skal einungis innheimta skráningargjald kr. 2.200.

 

3. gr.

Af skráðum hundum skal innheimta árlegt eftirlitsgjald kr. 10.800. Heimilt er að veita allt að 30% afslátt af árlegu eftirlitsgjaldi hafi viðkomandi hundaeigandi sótt námskeið um hundahald sem viðurkennt er af Dýraþjónustu Reykjavíkur.

 

4. gr.

Við afhendingu handsamaðs óskráðs hunds ber að innheimta kr. 33.000 handsömunargjald. Að auki skal eigandi greiða þann kostnað sem leggst á vegna dvalar eða geymslu viðkomandi hunds.

 

5. gr.

Gjalddagi samkvæmt 3. gr. er 1. mars og eindagi 1. maí ár hvert. Dráttarvextir reiknast frá gjalddaga séu gjöldin ekki greidd á eindaga. Um innheimtu gjalda fer samkvæmt 59. gr. laga nr. 7/1998 um hollustuhætti og mengunarvarnir.

 

6. gr.

Gjaldskrá þessi sem samin er og samþykkt af borgarstjórn Reykjavíkur, með heimild í 5. mgr. 59. gr. laga nr. 7/1998 um hollustuhætti og mengunarvarnir, með síðari breytingum og 24. gr. laga nr. 55/2013 um velferð dýra staðfestist hér með og öðlast gildi við birtingu. Um leið fellur úr gildi gjaldskrá nr. 715/2021 fyrir hundahald í Reykjavíkurborg.

 

Borgarstjórinn í Reykjavík, 1. september 2022.

 

Dagur B. Eggertsson.


B deild - Útgáfud.: 16. september 2022