Innviðaráðherra staðfesti 12. apríl 2022, breytingu á aðalskipulagi Mýrdalshrepps 2012-2028 sem samþykkt var í sveitarstjórn 16. júní 2021.
Í breytingunni felst að efnistökusvæði E1 austan þéttbýlisins í Vík er fært fjær fjöruborðinu auk þess sem skilgreint er nýtt efnistökusvæði E21 í Fagradalsfjöru vegna áforma um vinnslu á sandi úr fjörunni.
Mörkuð er stefna um iðnaðarsvæði I3 sunnan þjóðvegar innan þéttbýlismarka Víkur, til frekari vinnslu á sandinum.
Málsmeðferð var samkvæmt 4.-5. mgr. 32. gr. skipulagslaga nr. 123/2010.
Innviðaráðuneytinu, 12. júlí 2022.
Sigurður Ingi Jóhannsson.
|