Breyting á deiliskipulagi fyrir miðbæ.
Bæjarstjórn Akureyrarbæjar samþykkti 14. júlí 2022 breytingu á deiliskipulagi fyrir miðbæ.
Breytingin tekur til lóðarinnar Geislagötu 5 og felur í sér að byggingarreitur stækkar lítillega og heimilt verður að reisa þar fimm hæða byggingu með efstu hæðina inndregna. Heildarbygg­ingar­magn eykst úr 1.288 m² í 1.560 m². Notkun húsnæðis verður verslun og þjónusta á jarðhæð og allt að 12 íbúðir á efri hæðum. Hámarkshæð byggingar verður 17 m og við bætist kvöð um 1,8 m breiða göngu­leið á suðurhlið lóðar.
Deiliskipulagstillagan hefur hlotið meðferð í samræmi við 1. mgr. 43. gr. skipulagslaga nr. 123/2010 og öðlast hún þegar gildi.

F.h. Akureyrarbæjar, 5. september 2022,

María Markúsdóttir verkefnastjóri skipulagsmála.