Nýtt deiliskipulag iðnaðarsvæðis við Viðlagafjöru.
Bæjarstjórn Vestmannaeyjabæjar samþykkti 1. desember 2022 tillögu að deiliskipulagi nýs iðnaðar­svæðis í Viðlagafjöru vegna áforma um fiskeldi á svæðinu.
Í deiliskipulagstillögunni er gert ráð fyrir tveimur lóðum fyrir fiskeldi og svæði þar sem áfram verður sandvinnsla og efnistökusvæði. Lóð við Viðlagafjöru 1 þar sem áform eru um uppbyggingu fiskeldis er 9,93 ha. Á lóðinni eru skilgreindir tveir byggingarreitir, B-1 sem er ætlaður fyrir stöðvar­hús og aðrar nauðsynlegar þjónustubyggingar og B-2 fyrir fiskeldisker og annan tengdan búnað. Gerð er grein fyrir aðkomuleiðum og helstu mannvirkjum ofanjarðar, svo sem fiskeldistönkum, þjónustu­húsum, frágangi lóðar og ásýnd mannvirkja.
Deiliskipulagið hefur hlotið málsmeðferð skv. ákvæði skipulagslaga nr. 123/2010 og öðlast þegar gildi.

F.h. bæjarstjórnar Vestmannaeyja, 9. janúar 2023,

Dagný Hauksdóttir skipulagsfulltrúi.