Forseti Íslands gjörir kunnugt: Alþingi hefur fallist á lög þessi og ég staðfest þau með samþykki mínu:
1. gr.
Við 7. gr. laganna bætist ný málsgrein, svohljóðandi:
Réttur þingmanns skv. 1. og 2. mgr., sem sækist eftir endurkjöri, fellur niður þegar sex vikur eru til kjördags. Þó má ákveða í reglum forsætisnefndar að heimilt sé að endurgreiða alþingismanni ferðakostnað á þessu tímabili ef um er að ræða viðburði eða ferðir á vegum Alþingis eða þegar Alþingi er enn að störfum og þingmaður tekur þátt í störfum þess.
2. gr.
Lög þessi öðlast þegar gildi.
Gjört í Vestmannaeyjum, 25. júní 2021.
Guðni Th. Jóhannesson. (L. S.)
Katrín Jakobsdóttir.
|