1. gr.
Við 1. mgr. 8. gr. reglugerðarinnar bætist nýr málsliður, svohljóðandi:
Við sérstakar aðstæður er Ferðamálastofu heimilt að undanskilja hluta tryggingafjárhæðar frá útreikningi á fjárhæð iðgjalda, þá einkum ef hluta tryggingafjárhæðar er ætlað að mæta áhættu að öllu leyti, svo sem vegna inneigna.
2. gr.
Orðin „ef eiginfjárstaða seljanda er neikvæð“ í 2. mgr. 10. gr. falla brott.
3. gr.
Reglugerð þessi, sem sett er með heimild í 4. mgr. 25. gr. a laga um pakkaferðir og samtengda ferðatilhögun, nr. 95/2018, öðlast þegar gildi.
Atvinnuvega- og nýsköpunarráðuneytinu, 23. nóvember 2021.
F. h. ferðamála-, iðnaðar- og nýsköpunarráðherra,
Sigrún Brynja Einarsdóttir.
|