Breyting á deiliskipulagi „Á sandi vestan Þorlákshafnar“ – iðnaðarsvæði á Víkursandi. Í samræmi við skipulagslög nr. 123/2010 samþykkti bæjarstjórn Sveitarfélagsins Ölfuss 25. febrúar 2021, breytingu á deiliskipulagi fyrir iðnaðarsvæði á Víkursandi vestan Þorlákshafnar. Deiliskipulagið setur skilmála um byggingu iðnaðarhúsa á landinu í samræmi við heimildir aðalskipulags. Breytingin stækkar svæðið lítillega og breytir lóðum og lóðanúmerum. Deiliskipulagið hefur hlotið meðferð skv. 1. mgr. 41. gr. skipulagslaga nr. 123/2010 og öðlast þegar gildi.
Nýtt deiliskipulag fyrir Árbæ 4 í Ölfusi. Í samræmi við skipulagslög nr. 123/2010 samþykkti bæjarstjórn Sveitarfélagsins Ölfuss 25. febrúar 2021, nýtt deiliskipulag fyrir Árbæ 4 í Ölfusi. Deiliskipulagið markar byggingarreit og setur skilmála um byggingu íbúðarhúss á landinu í samræmi við heimildir aðalskipulags. Deiliskipulagið hefur hlotið meðferð skv. 1. mgr. 41. gr. skipulagslaga nr. 123/2010 og öðlast þegar gildi.
Breyting á deiliskipulagi fyrir skipulag þjónustumiðstöðvar og íbúða við Egilsbraut, Sunnubraut og Vetrarbraut í Þorlákshöfn. Í samræmi við skipulagslög nr. 123/2010 samþykkti bæjarstjórn Sveitarfélagsins Ölfuss 25. febrúar 2021, breytingu á deiliskipulagi fyrir skipulag þjónustumiðstöðvar og íbúða við Egilsbraut, Sunnubraut og Vetrarbraut í Þorlákshöfn. Deiliskipulagsbreytingin heimilar að auglýsa lóðirnar sem skipulagið markar á almennum markaði, þó þannig að aldraðir hafi forgang þegar kemur að úthlutun. Deiliskipulagið hefur hlotið meðferð skv. 1. mgr. 41. gr. skipulagslaga nr. 123/2010 og öðlast þegar gildi.
Þorlákshöfn, 9. júní 2021.
Gunnlaugur Jónasson skipulagsfulltrúi.
|