FORSETI ÍSLANDS
gjörir kunnugt: Að ég, samkvæmt tillögu forsætisráðherra, staðfesti svohljóðandi forsetaúrskurð um breytingu á forsetaúrskurði nr. 15/2017, um skiptingu stjórnarmálefna milli ráðuneyta í Stjórnarráði Íslands:
1. gr.
Eftirfarandi breytingar verða á 3. gr.:
- Við 10. tölul. bætist nýr stafliður sem orðast svo: Landskipti.
- Á eftir b-lið 14. tölul. kemur nýr stafliður sem orðast svo: Skipströnd og vogrek.
2. gr.
Á eftir k-lið 8. tölul. 4. gr. koma fimm nýir stafliðir sem orðast svo:
- Skortsölu og skuldatryggingar.
- Viðbótareftirlit með fjármálasamsteypum.
- Vátryggingasamsteypur.
- Lánshæfismatsfyrirtæki.
- Evrópskt eftirlitskerfi á fjármálamarkaði.
3. gr.
Eftirfarandi breytingar verða á 6. gr.:
- Í stað orðsins „Fólksflutninga" í d-lið 2. tölul. kemur: Farþegaflutninga.
- H-liður 2. tölul. fellur brott.
- E-liður 5. tölul. fellur brott.
4. gr.
Forsetaúrskurður þessi, sem á sér stoð í 15. gr. stjórnarskrár lýðveldisins Íslands, nr. 33/1944, og 4. gr. laga nr. 115/2011, um Stjórnarráð Íslands, öðlast þegar gildi.
Gjört á Bessastöðum, 30. júní 2017.
Guðni Th. Jóhannesson.
(L. S.)
Bjarni Benediktsson.
|