Forseti Íslands gjörir kunnugt: Alþingi hefur fallist á lög þessi og ég staðfest þau með samþykki mínu:
I. KAFLI
Breyting á lögum um úrskurðaraðila á sviði neytendamála, nr. 81/2019.
1. gr.
Eftirfarandi breytingar verða á 14. gr. laganna:
- Á undan 1. mgr. kemur ný málsgrein, svohljóðandi:
Viðurkenndir úrskurðaraðilar og kærunefnd vöru- og þjónustukaupa skulu vísa frá málum sem:
- heyra ekki undir lögsögu þeirra,
- heyra undir, eru til meðferðar eða hafa hlotið meðferð hjá öðrum viðurkenndum eða lögbundnum úrskurðaraðila sem ráðherra hefur skráð og tilkynnt eða erlendum úrskurðaraðila sem er á skrá yfir tilkynnta úrskurðaraðila í deilumálum utan dómstóla á Evrópska efnahagssvæðinu, eða
- eru til meðferðar eða hafa hlotið meðferð hjá dómstólum.
- C-liður 1. mgr. fellur brott.
2. gr.
2. mgr. 16. gr. laganna fellur brott.
3. gr.
Í stað tilvísunarinnar „1. mgr. 14. gr. og 2. mgr. 16. gr.“ í c-lið 2. mgr. 17. gr. laganna kemur: 1. eða 2. mgr. 14. gr.
II. KAFLI
Breyting á lögum um fjármálafyrirtæki, nr. 161/2002.
4. gr.
Eftirfarandi breytingar verða á 19. gr. a laganna:
- Í stað orðanna „úrskurðarnefndar um viðskipti við fjármálafyrirtæki“ í 1. mgr. kemur: úrskurðaraðila samkvæmt lögum um úrskurðaraðila á sviði neytendamála.
- 2. mgr. fellur brott.
- Fyrirsögn greinarinnar orðast svo: Úrskurðaraðilar.
III. KAFLI
Breyting á lögum um greiðsluþjónustu, nr. 120/2011.
5. gr.
Eftirfarandi breytingar verða á 76. gr. laganna:
- Í stað orðanna „úrskurðarnefndar um viðskipti við fjármálafyrirtæki skv. 2. mgr.“ í 1. mgr. kemur: úrskurðaraðila samkvæmt lögum um úrskurðaraðila á sviði neytendamála.
- 2. mgr. fellur brott.
IV. KAFLI
Breyting á lögum um útgáfu og meðferð rafeyris, nr. 17/2013.
6. gr.
Eftirfarandi breytingar verða á 42. gr. laganna:
- Í stað orðanna „úrskurðarnefndar um viðskipti við fjármálafyrirtæki skv. 2. mgr.“ í 1. mgr. kemur: úrskurðaraðila samkvæmt lögum um úrskurðaraðila á sviði neytendamála.
- 2. mgr. fellur brott.
V. KAFLI
Breyting á lögum um neytendalán, nr. 33/2013.
7. gr.
Eftirfarandi breytingar verða á 33. gr. laganna:
- Í stað orðanna „úrskurðarnefndar skv. 2. mgr.“ í 1. mgr. kemur: úrskurðaraðila samkvæmt lögum um úrskurðaraðila á sviði neytendamála.
- 2. og 3. mgr. falla brott.
VI. KAFLI
Breyting á lögum um fasteignalán til neytenda, nr. 118/2016.
8. gr.
Eftirfarandi breytingar verða á 10. gr. laganna:
- Í stað orðanna „úrskurðarnefndar skv. 2. mgr.“ í 1. mgr. kemur: úrskurðaraðila samkvæmt lögum um úrskurðaraðila á sviði neytendamála.
- 2.–4. mgr. falla brott.
VII. KAFLI
Breyting á lögum um vátryggingarsamninga, nr. 30/2004.
9. gr.
Í stað orðanna „47. gr. sömu laga“ í 3. tölul. 1. mgr. og 3. tölul. 2. mgr. 4. gr. laganna kemur: lög um úrskurðaraðila á sviði neytendamála.
10. gr.
Í stað orðanna „úrskurðarnefnd til úrlausnar skv. 141. gr.“ í 3. mgr. 15. gr. laganna kemur: úrskurðaraðila samkvæmt lögum um úrskurðaraðila á sviði neytendamála.
11. gr.
Í stað orðanna „úrskurðarnefnd skv. 141. gr.“ í lokamálslið 1. mgr. 31. gr., 1. málsl. 2. mgr. 51. gr., 4. mgr. 76. gr., lokamálslið 1. mgr. 94. gr. og 1. málsl. 2. mgr. 124. gr. laganna kemur: úrskurðaraðila samkvæmt lögum um úrskurðaraðila á sviði neytendamála.
12. gr.
141. og 141. gr. a laganna falla brott.
13. gr.
Ákvæði til bráðabirgða í lögunum fellur brott.
VIII. KAFLI
Breyting á lögum um dreifingu vátrygginga, nr. 62/2019.
14. gr.
XII. kafli laganna, Ágreiningur, fellur brott ásamt fyrirsögn.
15. gr.
Ákvæði til bráðabirgða II í lögunum fellur brott.
IX. KAFLI
Breyting á lögum um sölu fasteigna og skipa, nr. 70/2015.
16 gr.
4. mgr. 19. gr. og 20. gr. laganna falla brott.
17. gr.
Lög þessi öðlast gildi 1. september 2021.
Gjört á Bessastöðum, 23. mars 2021.
Guðni Th. Jóhannesson. (L. S.)
Þórdís Kolbrún Reykfjörð Gylfadóttir.
|