Velkomin á vef Stjórnartíðinda
Setja síðu í 1024px vídd Setja síðu í 1280px vídd Setja síðu í 1400px vídd Fyrir sjónskerta Venjulegt letur Stækka letur Stækka letur enn meira

Sé munur á uppsetningu texta hér að neðan og í PDF skjali gildir PDF skjalið.
 1317/2018

Nr. 1317/2018 5. október 2018

REIKNINGUR
Jöfnunarsjóðs sveitarfélaga fyrir árið 2017.

Rekstrarreikningur árið 2017

Tekjur   þús. kr.
  Framlag ríkissjóðs   18.522.435
  Framlag sveitarfélaga   25.166.489
  Önnur framlög         814.710
  Tekjur alls    44.503.634
       
Framlög    
  Bundin framlög   1.119.920
  Sérstök framlög   6.197.030
  Jöfnunarframlög   11.056.560
  Jöfnunarframlög til reksturs grunnskóla   10.823.196
  Framlög vegna þjónustu við fatlað fólk    16.155.244
  Framlög alls    45.351.949
       
Rekstrarkostnaður    
  Laun og launatengd gjöld   7.454
  Annar rekstrarkostnaður         130.904
  Rekstrarkostnaður samtals         138.358
       
  Framlög og gjöld alls    45.490.307
       
  Halli/rekstrarafgangur   (986.672)
  Hreinar fjármunatekjur   233.280
       
  Halli/tekjuafgangur ársins      (753.392)


Efnahagsreikningur 31. desember 2017

Eignir    
  Veltufjármunir:    
  Sveitarfélög, hluti í óinnheimtu útsvari í staðgreiðslu   2.180.226
  Ríkissjóður, eftirstöðvar, innheimt staðgreiðsla   8.012
  Ríkissjóður, lögbundin framlög   17.035
  Áfallnar vaxtatekjur   251.774
  Aðrar skammtímakröfur          11.360
  Skammtímakröfur samtals     2.568.408
       
  Handbært fé:    
  Bankareikningar     1.501.259
       
Eignir alls     4.069.666
       
  Utan efnahagsreiknings   14.262.054
       
Skuldir og eigið fé    
  Eigið fé:    
  Höfuðstóll        590.569
       
  Skammtímaskuldir:    
  Ríkissjóður, lögbundin framlög   0
  Ógreiddur fjármagnstekjuskattur   50.355
  Ógreidd framlög   450.294
  Aðrar skammtímaskuldir      2.978.448
  Skammtímaskuldir samtals      3.479.097
       
  Skuldir samtals      3.479.097
       
Skuldir og eigið fé alls      4.069.666


Sjóðstreymi árið 2017

Rekstrarhreyfingar    
  Veltufé frá rekstri:    
  Tekjuafgangur/halli samkvæmt rekstrarreikningi       (753.392)
  Veltufé frá rekstri       (753.392)
       
  Breytingar á rekstrartengdum eignum og skuldum:    
  Skammtímakröfur (hækkun), lækkun   (167.407)
  Skammtímaskuldir (lækkun), hækkun    (2.621.031)
       (2.788.438)
       
  Handbært fé frá rekstri    (3.541.830)
       
Fjármögnunarhreyfingar    
  Breyting á stöðu við ríkissjóð:    
  Framlag ríkissjóðs   (18.522.435)
  Greitt úr ríkissjóði     18.267.759
           (254.676)
       
  Hækkun (lækkun) á handbæru fé   (3.796.506)
       
  Handbært fé í ársbyrjun        5.297.765
       
  Handbært fé í árslok        1.501.259


Staðfesting ársreiknings

Ársreikningur Jöfnunarsjóðs sveitarfélaga er gerður á grundvelli laga um opinber fjármál nr. 123/2015. Reikningsskilaðferðir eru í meginatriðum þær sömu og árið áður.

Á árinu 2017 var rekstrarhalli Jöfnunarsjóðsins 753,4 m.kr. samanborið við 221,3 m.kr. árið áður. Samkvæmt efnahagsreikningi í árslok námu eignir alls 4.069,7 m.kr., skuldir 3.479,1 m.kr. og eigið fé 590,6 m.kr.

Samgöngu- og sveitarstjórnarráðherra og formaður ráðgjafarnefndar Jöfnunarsjóðs sveitarfélaga staðfesta ársreikning Jöfnunarsjóðs fyrir árið 2017 með áritun sinni.

Reykjavík, 5. október 2018.

Sigurður Ingi Jóhannsson
samgöngu- og sveitarstjórnarráðherra.

Guðný Sverrisdóttir,           
formaður ráðgjafarnefndar  
Jöfnunarsjóðs sveitarfélaga.

Áritun ríkisendurskoðanda

Til samgöngu- og sveitarstjórnarráðuneytisins og ráðgjafarnefndar Jöfnunarsjóðs sveitarfélaga.

Samkvæmt 17. gr. laga nr. 4/1995 um tekjustofna sveitarfélaga skal Ríkisendurskoðun endurskoða reikning Jöfnunarsjóðs sveitarfélaga.

Álit.

Endurskoðun á ársreikningi Jöfnunarsjóðs sveitarfélaga fyrir árið 2017 var framkvæmd samkvæmt lögum um ríkisendurskoðanda og endurskoðun ríkisreikninga. Ársreikningurinn hefur að geyma staðfestingu ráðherra og formanns ráðgjafarnefndar Jöfnunarsjóðs sveitarfélaga á ársreikningnum, rekstrarreikning, efnahagsreikning, yfirlit um sjóðstreymi, upplýsingar um mikilvægar reiknings­skila­aðferðir og aðrar skýringar.

Það er álit ríkisendurskoðanda að ársreikningurinn gefi glögga mynd af fjárhagsstöðu Jöfnunarsjóðs sveitarfélaga 31. desember 2017, afkomu hans og breytingu á handbæru fé á árinu 2017, í sam­ræmi við lög um opinber fjármál.

Grundvöllur fyrir áliti.

Endurskoðað var í samræmi við alþjóðlega endurskoðunarstaðla fyrir opinbera aðila. Ábyrgð ríkis­endurskoðanda samkvæmt þeim stöðlum er nánar lýst í kaflanum um ábyrgð ríkis­endurskoð­anda. Ríkisendurskoðandi er óháður Jöfnunarsjóði sveitarfélaga og hefur unnið í samræmi við lög um ríkisendurskoðanda og endurskoðun ríkisreikninga og siðareglur alþjóða­samtaka ríkis­endurskoðenda (INTOSAI). Ríkisendurskoðandi telur að við endurskoðunina hafi verið aflað nægilegra og viðeigandi gagna til að undirbyggja álit á ársreikningnum.

Ábyrgð forsvarsmanna Jöfnunarsjóðs á ársreikningnum.

Ráðherra hefur á hendi yfirstjórn Jöfnunarsjóðs og er ábyrgur fyrir gerð og framsetningu árs­reikningsins í samræmi við lög um opinber fjármál, settar reglur og fyrirmæli. Ráðherra er einnig ábyrgur fyrir því innra eftirliti sem nauðsynlegt er að sé til staðar við gerð og framsetningu árs­reikn­ings­ins, þannig að hann sé án verulegra annmarka, hvort sem er vegna sviksemi eða mistaka.

Ábyrgð ríkisendurskoðanda á endurskoðun ársreikningsins.

Markmið ríkisendurskoðanda er að afla nægjanlegrar vissu um að ársreikningurinn sé án verulegra annmarka, hvort sem er af völdum sviksemi eða mistaka og að gefa út áritun sem felur í sér álit á ársreikningnum.

Nægjanleg vissa er mikið öryggi, en ekki trygging þess að endurskoðun sem framkvæmd er í sam­ræmi við alþjóðlega endurskoðunarstaðla fyrir opinbera aðila muni uppgötva allar verulegar skekkjur séu þær til staðar. Skekkjur geta orðið vegna mistaka eða sviksemi og eru álitnar veru­legar ef þær gætu haft áhrif á fjárhagslega ákvarðanatöku notenda ársreikningsins, einar og sér eða samanlagðar.

Framkvæmd endurskoðunar hjá ríkisendurskoðanda er í samræmi við alþjóðlega endur­skoð­unar­staðla fyrir opinbera aðila og hún byggir á faglegri dómgreind og gagnrýni. Þá ber við endur­skoð­unina að fara eftir ákvæðum laga um ríkisendurskoðanda og endurskoðun ríkis­reikn­inga. Í þessu felst að ríkisendurskoðanda ber að:

  • Greina og meta hættuna á verulegri skekkju í ársreikningnum, hvort sem er vegna mistaka eða sviksemi, skipuleggja og framkvæma endurskoðunaraðgerðir til að bregðast við þeirri hættu og afla endurskoðunargagna sem eru nægjanleg og viðeigandi til að undirbyggja álit á reikningnum. Hættan á að uppgötva ekki verulega skekkju vegna sviksemi er meiri en að uppgötva ekki skekkju vegna mistaka, þar sem sviksemi getur falið í sér samsæri, fölsun, villandi framsetningu ársreiknings, að einhverju sé viljandi sleppt eða að farið sé framhjá reglum innra eftirlits.
  • Kanna hvort rekstur og umsvif séu í samræmi við heimildir fjárlaga, fjáraukalaga og annarra laga, lögmæt fyrirmæli, samninga og starfsvenjur þar sem það á við.
  • Afla skilnings á innra eftirliti í þeim tilgangi að skipuleggja viðeigandi endurskoðunaraðgerðir og meta hvort það tryggir viðunandi árangur.
  • Meta hvort reikningsskilaaðferðir og reikningshaldslegt mat stjórnenda ásamt tengdum skýringum séu viðeigandi í samræmi við reikningsskilareglur fyrir opinbera aðila.
  • Meta í heild sinni hvort ársreikningurinn gefi glögga mynd af undirliggjandi viðskiptum og atburðum, meta framsetningu, uppbyggingu og innihald, þar með talið skýringar með tilliti til glöggrar myndar.

Ríkisendurskoðandi upplýsir forsvarsmenn sjóðsins meðal annars um áætlað umfang og tíma­setn­ingu endurskoðunarinnar og mikilvæg atriði sem kunna að koma upp við endurskoðunina, þar á meðal verulega annmarka á innra eftirliti.

Ríkisendurskoðun, 8. október 2018.

Skúli Eggert Þórðarson ríkisendurskoðandi.


B deild - Útgáfud.: 8. janúar 2019