Í samræmi við skipulagslög nr. 123/2010 hefur sveitarstjórn Bláskógabyggðar samþykkt eftirfarandi deiliskipulagsáætlanir:
Deiliskipulag, Kolgrafarhóll, Apavatn 2. Deiliskipulagið tekur til 5 frístundalóða auk einnar lóðar sem skilgreind er sem landbúnaðarland í landi Apavatns 2 (Efra-Apavatns). Heildarstærð landsins sem deiliskipulagið tekur til er um 3,9 ha og eru lóðarstærðir á bilinu 5.000 - 29.987 m². Gert er ráð fyrri byggingarheimildum fyrir frístundahús, gestahús og annað húsnæði sem getur verið geymsla, hesthús, áhaldahús eða gufubað. Samþykkt í sveitarstjórn 10. desember 2020.
Deiliskipulagsbreyting, Skálabrekka, frístundabyggð. Óveruleg breyting er gerð á skilmálum deiliskipulags frístundabyggðar í landi Skálabrekku. Breytingin felur í sér rýmkun á heimildum er varðar þakhalla, sem fer úr 14-30° í 0-30°. Samþykkt í sveitarstjórn 4. mars 2021.
Ofangreindar deiliskipulagsáætlanir hafa hlotið þá meðferð sem skipulagslög mæla fyrir um og öðlast þegar gildi.
Laugarvatni, 29. apríl 2021.
Skipulags- og byggingarfulltrúi uppsveita bs.,
Vigfús Þór Hróbjartsson.
|