Borgarstjórn Reykjavíkur hefur á fundi sínum 19. maí 2020, í samræmi við 1. mgr. 84. gr. umferðarlaga nr. 77/2019 og að fengnu samþykki lögreglustjórans á höfuðborgarsvæðinu, ákveðið eftirfarandi: Eftirtaldar götur verða göngugötur:
- Laugavegur frá Klapparstíg að Ingólfsstræti.
- Vegamótastígur frá Laugavegi að Grettisgötu.
- Skólavörðustígur frá Bergstaðastræti að Laugavegi.
Umferð ökutækja vegna vöruafgreiðslu verður heimil milli kl. 07.00 og 11.00 frá mánudegi til föstudags og milli kl. 08.00 og 11.00 á laugardögum. Ofangreint sé merkt með viðeigandi umferðarmerkjum, í samræmi við reglugerð 289/1995 um umferðarmerki og notkun þeirra ásamt breytingum.
Skrifstofu sviðsstjóra umhverfis- og skipulagssviðs Reykjavíkurborgar, 10. júlí 2020.
Glóey Helgudóttir Finnsdóttir skrifstofustjóri.
|