Forseti Íslands gjörir kunnugt: Alþingi hefur fallist á lög þessi og ég staðfest þau með samþykki mínu:
1. gr.
Lög um vísitölu byggingarkostnaðar, nr. 42/1987, falla úr gildi.
2. gr.
Lög þessi öðlast gildi 1. janúar 2022.
3. gr.
Við gildistöku laga þessara verða eftirfarandi breytingar á 4. gr. laga um gatnagerðargjald, nr. 153/2006:
- 1. mgr. orðast svo:
Gatnagerðargjald er 15% af verðgrunni skv. 3. mgr. sem Hagstofa Íslands uppfærir með mældri breytingu vísitölu byggingarkostnaðar í næstliðnum mánuði, nema sveitarstjórn hafi mælt fyrir um lægra gjald í samþykkt sinni.
- Við bætist ný málsgrein, svohljóðandi:
Verðgrunnur fyrir gatnagerðargjald er verð fyrir fermetra í vísitöluhúsi fjölbýlis samkvæmt mælingu Hagstofu Íslands frá 20. desember 2021.
Gjört í Reykjavík, 19. maí 2021.
Guðni Th. Jóhannesson. (L. S.)
Katrín Jakobsdóttir.
|