Forseti Íslands gjörir kunnugt: Alþingi hefur fallist á lög þessi og ég staðfest þau með samþykki mínu:
I. KAFLI
Breyting á lögum um Barna‑ og fjölskyldustofu, nr. 87/2021.
1. gr.
Við lögin bætist nýtt ákvæði til bráðabirgða, svohljóðandi:
Starfsmenn Barnaverndarstofu sem eru í starfi við gildistöku laga þessara verða starfsmenn hjá Barna‑ og fjölskyldustofu með sömu ráðningarkjörum. Um rétt starfsmanna til starfa hjá Barna‑ og fjölskyldustofu fer eftir ákvæðum laga um réttindi og skyldur starfsmanna ríkisins, nr. 70/1996. Ákvæði 7. gr. laga nr. 70/1996 gilda ekki við ráðstöfun starfa samkvæmt þessu ákvæði.
II. KAFLI
Breyting á lögum um Gæða‑ og eftirlitsstofnun velferðarmála, nr. 88/2021.
2. gr.
Við lögin bætist nýtt ákvæði til bráðabirgða, svohljóðandi:
Starfsmenn ráðuneytisstofnunarinnar Gæða‑ og eftirlitsstofnunar félagsþjónustu og barnaverndar, aðrir en þeir sem fara með verkefni samkvæmt lögum um réttindagæslu fyrir fatlað fólk, nr. 88/2011, sem eru í starfi við gildistöku laga þessara verða starfsmenn hjá Gæða‑ og eftirlitsstofnun velferðarmála með sömu ráðningarkjörum. Um rétt starfsmanna til starfa hjá Gæða‑ og eftirlitsstofnun velferðarmála fer eftir ákvæðum laga um réttindi og skyldur starfsmanna ríkisins, nr. 70/1996. Ákvæði 7. gr. laga nr. 70/1996 gilda ekki við ráðstöfun starfa samkvæmt þessu ákvæði.
3. gr.
Lög þessi öðlast þegar gildi.
Gjört á Bessastöðum, 30. desember 2021.
Guðni Th. Jóhannesson. (L. S.)
Guðmundur Ingi Guðbrandsson.
|