FORSETI ÍSLANDS gjörir kunnugt: Alþingi hefur fallist á lög þessi og ég staðfest þau með samþykki mínu:
I. KAFLI
Breyting á raforkulögum, nr. 65/2003, með síðari breytingum.
1. gr.
6. mgr. 9. gr. laganna verður svohljóðandi:
Flutningsfyrirtækið skal í samráði við raforkufyrirtæki setja almennar reglur um rekstur og stýringu raforkuflutnings sem Orkustofnun samþykkir. Í reglunum skal m.a. kveðið nánar á um þau atriði sem tilgreind eru í 3. og 4. mgr.
2. gr.
Við 5. mgr. 9. gr. a laganna bætist: og um uppbyggingu flutningskerfis raforku.
3. gr.
Við 1. málsl. 2. mgr. 9. gr. b laganna bætist: og um uppbyggingu flutningskerfis raforku.
4. gr.
Á eftir orðunum „lagningu raflína“ í 2. mgr. 9. gr. c laganna kemur: og um uppbyggingu flutningskerfis raforku.
5. gr.
2. málsl. 10. mgr. 12. gr. a laganna fellur brott.
6. gr.
Í stað orðsins „samkeppnisráði“ í 2. málsl. 2. mgr. 27. gr. laganna kemur: Samkeppniseftirlitinu.
7. gr.
Á eftir orðunum „skýrslu um“ í 1. málsl. 2. mgr. 31. gr. laganna kemur: framkvæmd raforkueftirlits á liðnu ári og.
II. KAFLI
Breyting á lögum um stofnun Landsnets hf., nr. 75/2004, með síðari breytingum.
8. gr.
3. gr. laganna fellur brott.
9. gr.
Lög þessi öðlast þegar gildi.
Gjört á Bessastöðum, 8. maí 2018.
Guðni Th. Jóhannesson. (L. S.)
Þórdís Kolbrún Reykfjörð Gylfadóttir.
|