Breyting á deiliskipulagi miðbæjar. Bæjarstjórn Akureyrarbæjar samþykkti 24. ágúst 2022 breytingu á deiliskipulagi fyrir miðbæ. Breytingin tekur til lóðarinnar Gilsbakkavegar 1 og felur í sér að byggingarreitur er stækkaður til norðurs fyrir 37,5 m² viðbyggingu á einni hæð með þaksvölum. Samhliða eykst nýtingarhlutfall lóðarinnar úr 0,354 í 0,454. Deiliskipulagstillagan hefur hlotið meðferð í samræmi við 2. mgr. 43. gr. skipulagslaga nr. 123/2010 og öðlast hún þegar gildi.
F.h. Akureyrarbæjar, 7. nóvember 2022,
María Markúsdóttir verkefnastjóri skipulagsmála.
|