Athafna- og iðnaðarsvæði í Búðardal.
Sveitarstjórn Dalabyggðar samþykkti á fundi sínum 10. júní 2021 deiliskipulag fyrir athafna- og iðnaðarsvæði við Iðjubraut í Búðardal, skv. 1. mgr. 42. gr. skipulagslaga nr. 123/2010.
Skipulagssvæðið er um 3,5 ha að flatarmáli og er staðsett austan Vesturbrautar við norðurjaðar byggðar í Búðardal. Það samanstendur af 15 lóðum frá um 650 m² til 3.100 m² að stærð.
Ofangreind deiliskipulagsáætlun hefur hlotið þá meðferð sem skipulagslög mæla fyrir um og öðlast þegar gildi.

Búðardal, 8. júlí 2021.

Þórður Már Sigfússon skipulagsfulltrúi.