Breyting á deiliskipulagi – orlofsbyggð norðan Kjarnalundar. Skipulagsráð Akureyrarbæjar samþykkti 10. mars 2021 deiliskipulagsbreytingu fyrir Götu norðurljósanna nr. 9. Breytingin felur í sér aukið byggingarmagn þar sem heimilt er að byggja allt að 150 m² hús, byggingarreitur er stækkaður um 1,5 m til suðurs og mörk sérafnotahluta lóðar stækka um 1 m til vesturs. Deiliskipulagstillagan hefur hlotið meðferð í samræmi við 2. mgr. 43. gr. skipulagslaga nr. 123/2010 og öðlast hún þegar gildi.
F.h. Akureyrarbæjar, 19. mars 2021,
Margrét M. Róbertsdóttir verkefnastjóri skipulagsmála.
|