Sé munur á uppsetningu texta hér að neðan og í PDF skjali gildir PDF skjalið. 246/2023
Nr. 246/2023	10. janúar 2023

GJALDSKRÁ

fyrir byggingarleyfis-, byggingarheimildar-, framkvæmda-, skipulags- og þjónustugjöld í Dalabyggð.

1. gr.

Almenn ákvæði.

1.1	Við útgáfu byggingarleyfis, byggingarheimildar, framkvæmdaleyfis eða vegna annarrar þjónustu sem skipulags- og byggingarfulltrúi veitir, skal greiða þau gjöld sem gjaldskrá þessi kveður á um.
1.2	Tekjum sveitarfélagsins skv. gjaldskrá þessari skal varið til að standa undir hluta kostnaðar sveitarfélagsins vegna þjónustu skipulags- og byggingarfulltrúa við lóðarhafa og byggingaraðila.

2. gr.

Byggingarleyfis-/byggingarheimildargjald.

Fyrir byggingarleyfi/-heimild.

2.1	Íbúðarhúsnæði:
	Neðangreind gjöld miðast við eina yfirferð aðaluppdrátta. Þá er innifalið í gjaldinu byggingarleyfis/-heimildargjald, gjald vegna útmælingar og hæðarsetningar, byggingareftirlits, lögbundinna úttekta, fokheldisvottorðs og vottorðs vegna lokaúttektar.
	Einbýlishús	kr.	200.922
	Parhús, tvíbýlishús eða raðhús á einni hæð	kr.	169.199 pr. íbúð
	Raðhús á fleiri en einni hæð eða fjölbýlishús með þremur íbúðum	kr.	144.089 pr. íbúð
	Fjölbýlishús, tvær hæðir, með fjórum íbúðum eða fleiri	kr.	122.109 pr. íbúð
	Fjölbýlishús, þrjár hæðir og hærri með fjórum íbúðum eða fleiri	kr.	103.484 pr. íbúð
2.2	Atvinnu- og þjónustuhús og stofnanir:
	Gjöld miðast við eina yfirferð aðaluppdrátta. Þá er innifalið byggingarleyfis-/byggingarheimildargjald, gjald vegna útmælingar og hæðarsetningar, byggingareftirlits, lögbundinna úttekta, fokheldisvottorðs og vottorðs vegna lokaúttektar.
	Atvinnu- og þjónustuhúsnæði, stofnanir, einnig sama húsnæði með íbúðum, gólfflötur allt að 500 m²	kr.	200.922
	Atvinnu- og þjónustuhúsnæði, stofnanir, einnig sama húsnæði með íbúðum, gólfflötur stærri en 500 m²	kr.	271.245
2.3	Ýmis hús og hvers konar viðbyggingar:
	Gjöld miðast við eina yfirferð aðaluppdrátta. Þá er innifalið byggingarleyfis-/byggingarheimildargjald, gjald vegna útmælingar og hæðarsetningar, byggingareftirlits, lögbundinna úttekta, fokheldisvottorðs og vottorðs vegna lokaúttektar.
	Frístundahús stærri en 50 m²	kr.	200.922
	Smáhýsi allt að 10 m² (aukahús við frístunda- og íbúðarhús)	kr.	15.107
	Smáhýsi frá 10 m² að 25 m² (aukahús við frístunda- og íbúðarhús)	kr.	50.231
	Frístundahús 25-50 m²	kr.	100.461
	Sólstofur, bílgeymslur fyrir mest 2 bíla og
	viðbyggingar allt að 20 m²	kr.	50.231
	Sólstofur, bílageymslur og viðbyggingar 20-100 m²	kr.	100.461
	Byggingarleyfisgjöld af viðbyggingum sem eru minni en 100 m²	kr.	100.461
	Byggingarleyfisgjöld af viðbyggingum sem eru stærri en 100 m² skulu vera þau sömu og byggingarleyfisgjöld af því húsnæði sem byggt er við.
	Vélageymslur/korngeymslur allt að 300 m² (ef stærra en 300 m², gildir sama gjald og um væri að ræða atvinnuhúsnæði)	kr.	113.347
	Fjárhús, fjós og hesthús og/eða sambærileg hús allt að 300 m² (ef stærra en 300 m², gildir sama gjald og um væri að ræða atvinnuhúsnæði)	kr.	113.347
	Gróðurhús allt að 300 m² (ef stærra en 300 m², gildir sama gjald og um væri að ræða atvinnuhúsnæði)	kr.	113.347
	Gjald vegna húsa s.s. sumarhúsa sem flutt eru inn á svæði Dalabyggðar fullbúin og sett á tilbúnar undirstöður	kr.	100.461

3. gr.

Þjónustugjöld.

3.1	Vegna annarrar þjónustu sem skipulags- og byggingarfulltrúi veitir skal greiða gjöld sem hér segir.
	3.1.1	Afgreiðslugjald	kr.	13.748
	3.1.2	Endurskoðun aðaluppdrátta	kr.	17.298
	3.1.3	Breytt notkun á mannvirkjum	kr.	67.981
	3.1.4	Áfangaúttekt/stöðuúttekt, skýrsla	kr.	44.566
	3.1.5	Úttekt vegna meistaraskipta	kr.	44.566
	3.1.6	Úttekt vegna byggingarstjóraskipta	kr.	44.566
	3.1.7	Úttekt vegna rekstrarleyfis	kr.	44.566
	3.1.8	Húsaleiguúttektir á íbúðarhúsnæði	kr.	44.566
	3.1.9	Húsaleiguúttektir á atvinnuhúsnæði	kr.	44.566
	3.1.10	Yfirferð eignaskiptayfirlýsinga, 1-5 fastanúmer í húsi	kr.	41.861
	3.1.11	Viðbót vegna eignaskiptayfirlýsingar, hvert fnr. > 5	kr.	5.740
	3.1.12	Tímabundin stöðuleyfi	kr.	27.193
	3.1.13	Staðfestingargjald vegna lóðarúthlutunar, óendurkræft	kr.	34.897
	3.1.14	Breyting og gerð á nýjum lóðarleigusamningi	kr.	49.550
	3.1.15	Breyting á lóðarblaði eða gerð nýs lóðarblaðs	kr.	27.193
	3.1.16	Aukaúttekt	kr.	15.712
	3.1.17	Aukamæling á útsetningu húss	kr.	77.045
	3.1.18	GPS mæling/lóðaruppdráttur (4-6 punktar)	kr.	67.981
	3.1.19	Stofnun lóðar	kr.	44.566
	3.1.20	Niðurrif mannvirkja	kr.	13.748

Útprentun á gögnum, teikningum eða öðrum tilheyrandi skjölum (svart/hvítt):

A-4 = kr.        61
A-3 = kr.      130
A-2 = kr.      453
A-1 = kr.      754

Útprentun á deiliskipulagsuppdráttum o.fl. í lit:

A-4 = kr.      227
A-3 = kr.      379
A-2 = kr.      754
A-1 = kr.   1.511

4. gr.

Framkvæmdaleyfisgjald og gjald fyrir skipulagsvinnu.

4.1	Fyrir framkvæmdaleyfi og skipulagsvinnu ákveður sveitarstjórn gjald eftir umfangi framkvæmdar sem hér segir:
	Að meginreglu skal sá sem óskar eftir nýju deiliskipulagi eða breytingu á gildandi aðal- eða deiliskipulagi greiða þann kostnað sem verkið hefur í för með sér.
	Í því felst að umsækjandi greiðir kostnað vegna nýrra uppdrátta, breytinga á uppdráttum, auglýsinga og kynninga vegna málsins.
4.2	Umhverfis- og skipulagsnefnd getur ákveðið að falla frá gjaldtöku ef skipulagsvinna á vegum er yfirstandandi eða fyrirhuguð á svæðinu eða skipulagsáætlun þarfnast breytinga af öðrum ástæðum, enda hafi það ekki í för með sér viðbótarkostnað fyrir sveitarfélagið.
4.3	Ef kostnaður vegna vinnu skipulagsfulltrúa eða aðkeyptrar vinnu er verulega umfram viðmiðunargjald vegna umfangs verksins er heimilt að leggja á til viðbótar tímagjald skipulags- og byggingarfulltrúa sem er 12.495 kr./klst. eða gjald skv. reikningi.
	Kostnaður vegna skipulagsvinnu, sbr. tilvísun til ákvæða skipulagslaga nr. 123/2010.
4.4	Kostnaður vegna aðalskipulagsbreytinga:
	Afgreiðslugjald	kr.	13.597
	Breyting á aðalskipulagsuppdrætti, sbr. 36. gr., skv. útlögðum kostnaði, viðmiðunargjald	kr./klst.	13.597
	Umsýslu- og auglýsingakostnaður, sbr. 1. mgr. 36. gr.	kr.	407.886
	Umsýslu- og auglýsingakostnaður, sbr. 2. mgr. 36. gr.	kr.	272.887
4.5	Kostnaður vegna nýs deiliskipulags:
	Afgreiðslugjald	kr.	13.748
	Nýtt deiliskipulag, sbr. 2. mgr. 38. gr., skv. útlögðum kostnaði, viðmiðunargjald	kr./klst.	13.597
	Umsýslu- og auglýsingakostnaður, sbr. 2. mgr. 38. gr.	kr.	181.283
4.6	Kostnaður vegna verulegra breytinga á deiliskipulagi:
	Breyting á deiliskipulagsuppdrætti, sbr. 1. mgr. 43. gr., skv. útlögðum kostnaði, viðmiðunargjald	kr./klst.	13.597
	Umsýslu- og auglýsingakostnaður vegna verulegra breytinga, sbr. 1. mgr. 43. gr.	kr.	181.283
4.7	Kostnaður vegna óverulegra breytinga á deiliskipulagi:
	Breyting á deiliskipulagsuppdrætti, sbr. 2. mgr. 43. gr., skv. útlögðum kostnaði, viðmiðunargjald	kr./klst	13.597
	Umsýslu- og auglýsingakostnaður vegna óverulegra breytinga, sbr. 2. mgr. 43. gr.	kr.	60.416
4.8	Kostnaður vegna grenndarkynningar:
	Grenndarkynning	kr.	60.416
	Grenndarkynning, minniháttar	kr.	26.437
	Kostnaður vegna framkvæmdaleyfis.
4.9	Skipulags- og byggingarfulltrúi áætlar fjölda áfangaúttekta við útgáfu framkvæmdaleyfis og leggur á gjöld vegna þeirra við útgáfu leyfisins.
4.10	Framkvæmdaleyfisgjald skal ekki vera hærra en sem nemur kostnaði sveitarfélagsins við undirbúning leyfisins og eftirlit sem skylt er að framkvæma.
4.11	Vegna aðkeyptrar vinnu við framkvæmdaleyfi sem nauðsynleg er vegna útgáfu þess skal innheimta sérstaklega samkvæmt reikningi hverju sinni.
4.12	Þegar úrskurður um mat á umhverfisáhrifum samkvæmt lögum nr. 106/2000 er nauðsynlegur vegna framkvæmdar, telst kostnaður sveitarfélagsins vegna þeirrar vinnu hluti af útlögðum kostnaði þess við útgáfu framkvæmdaleyfisins.
4.13	Fyrir framkvæmdaleyfi skal greiða gjöld sem hér segir:
	Afgreiðslugjald	kr.	13.748
	Framkvæmdaleyfi - framkvæmdir skv. 1. og 2. viðauka um mat á umhverfisáhrifum nr. 106/2000, skv. útlögðum kostnaði, viðmiðunargjald	kr./klst.	13.597
	Framkvæmdaleyfi - aðrar framkvæmdir, skv. útlögðum kostnaði, viðmiðunargjald	kr./klst.	13.597
	Eftirlit umfram eina ferð, sem er innifalin í framkvæmdaleyfisgjaldi	kr.	13.748
	Umsýsla og yfirferð gagna	kr.	19.143
	Afgreiðslugjald vegna sérhverrar úttektar	kr.	13.748
	Áfangaúttekt	kr.	49.361

5. gr.

Gjalddagi, lögveð.

5.1	Gjalddagi afgreiðslugjalda er við afgreiðslu umsókna.
5.2	Gjalddagi leyfisgjalda er við útgáfu leyfis.
5.3	Gjalddagi þjónustugjalda er við afhendingu gagna eða veitingu leyfis.
5.4	Afgreiðslugjöld eru ekki endurkræf þótt umsókn sé synjað, byggingarleyfi/-heimild falli úr gildi eða umsókn sé dregin til baka. Leyfis- og þjónustugjöld samkvæmt gjaldskrá þessari eru ekki endurkræf þótt ekki verði af framkvæmd. Þó skulu áætluð þjónustugjöld endurgreidd verði ekki af framkvæmdum á gildistíma byggingarleyfis/-heimildar.
5.5	Heimilt er að gera skriflegan samning um greiðslur. Byggingar- og framkvæmdaleyfisgjöldum fylgir lögveð í viðkomandi fasteign og gjaldfallin gjöld má innheimta með fjárnámi.

6. gr.

Verðlagsbreytingar.

Gjöld skv. gjaldskrá þessari miðast við byggingarvísitölu í desember 2022 sem er 176,0 stig og breytist 1. janúar ár hvert til samræmis við breytingar á vísitölunni.

7. gr.

Gildistaka o.fl.

7.1	Gjaldskrá þessi, sem er samþykkt í sveitarstjórn Dalabyggðar 15. desember 2022 er sett með heimild í 51. gr. laga um mannvirki nr. 160/2010 og 20. gr. skipulagslaga nr. 123/2010 og öðlast þegar gildi.
7.2	Jafnframt fellur úr gildi eldri gjaldskrá nr. 15/2022 fyrir byggingarleyfis-, byggingarheimildar‑, framkvæmda-, skipulags- og þjónustugjöld í Dalabyggð.

Dalabyggð, 10. janúar 2023.

Björn Bjarki Þorsteinsson sveitarstjóri.

B deild - Útgáfud.: 10. mars 2023