Samkvæmt tillögu forsætisráðherra hefur forseti Íslands gefið út svofellt bréf um frestun á fundum Alþingis:

„Forseti Íslands
gjörir kunnugt:

Að ég, að tilskildu samþykki Alþingis, veiti forsætisráðherra umboð til þess að fresta fundum Alþingis, 152. löggjafarþings, frá 15. júní 2022 eða síðar, ef nauðsyn krefur, til 13. september 2022.

Gjört í Reykjavík, 15. júní 2022.

Guðni Th. Jóhannesson.
(L. S.)

Alþingi samþykkti 15. júní 2022 ályktun um samþykki til frestunar á fundum Alþingis samkvæmt 1. mgr. 23. gr. stjórnarskrárinnar. Samkvæmt framangreindu umboði og með skír­skotun til samþykkis Alþingis var fundum Alþingis, 152. löggjafarþings, frestað 16. júní 2022.

Forsætisráðuneytinu, 16. júní 2022.

F. h. r.

Bryndís Hlöðversdóttir.