Deiliskipulag fyrir lóðina Riftún í Ölfusi. Í samræmi við skipulagslög nr. 123/2010 samþykkti bæjarstjórn Sveitarfélagsins Ölfuss þann 25. maí 2022, deiliskipulag fyrir Riftún í Ölfusi. Skipulagið markar byggingarreiti og setur skilmála og skilgreinir breytingu á landbúnaðarlandi í verslunar- og þjónustusvæði. Svæðið er um 9,3 hektarar og gert er ráð fyrir uppbyggingu tengdri ferðaþjónustu, uppbyggingu veitingareksturs, hestaleigu, ylræktar og baðlóns. Deiliskipulag þetta hefur hlotið meðferð skv. 1. mgr. 41. gr. skipulagslaga nr. 123/2010 og öðlast þegar gildi.
Þorlákshöfn, 2. júní 2022.
Gunnlaugur Jónasson skipulagsfulltrúi.
|