Velkomin á vef Stjórnartíðinda
Setja síðu í 1024px vídd Setja síðu í 1280px vídd Setja síðu í 1400px vídd Fyrir sjónskerta Venjulegt letur Stækka letur Stækka letur enn meira

Sé munur á uppsetningu texta hér að neðan og í PDF skjali gildir PDF skjalið.
 1060/2022

Nr. 1060/2022 13. september 2022

SAMÞYKKT
um byggingarnefnd í Fjarðabyggð.

1. gr.

Byggingarfulltrúi Fjarðabyggðar fer með verkefni sem mælt er fyrir um í lögum nr. 160/2010 um mannvirki og ákvæðum í þeim reglugerðum sem settar eru á grundvelli laganna, þar á meðal útgáfu byggingarleyfa.

 

2. gr.

Skilyrði fyrir útgáfu byggingarleyfis af hálfu byggingarfulltrúa, samkvæmt III. kafla laga um mannvirki, er að umhverfis- og skipulagsnefnd hafi samþykkt útgáfuna, en nefndin annast verkefni byggingarnefndar, sbr. samþykkt um stjórn Fjarðabyggðar og fundarsköp bæjarstjórnar nr. 252/2022 ásamt viðaukum og 7. gr. laga um mann­virki.

 

3. gr.

Byggingarfulltrúi skal hafa samráð við umhverfis- og skipulagsnefnd um hvert það mál sem hann telur að varði verksvið nefndarinnar.

Byggingarfulltrúi skal leita samþykkis umhverfis- og skipulagsnefndar áður en bygg­ingar­leyfi er veitt, varði breyting á mannvirki útlit þess og form, nema breyting sé óveru­leg, sbr. 5. mgr. 9. gr. laga um mannvirki.

 

4. gr.

Um málsmeðferð gilda að öðru leyti, eftir því sem við á, ákvæði sveitarstjórnarlaga, nr. 138/2011, laga nr. 160/2010 um mannvirki, skipulagslaga nr. 123/2010, samþykktar um stjórn Fjarðabyggðar og fundar­sköp bæjarstjórnar nr. 252/2022 og stjórnsýslulaga nr. 37/1993.

 

5. gr.

Samþykkt þessi sem bæjarstjórn Fjarðabyggðar hefur sett samkvæmt ákvæðum 7. gr. laga um mannvirki nr. 160/2010, staðfestist hér með til að öðlast þegar gildi. Jafnframt fellur úr gildi sam­þykkt um afgreiðslu byggingarfulltrúa Fjarðabyggðar nr. 820/2013.

 

Samþykkt þessi um byggingarnefnd í Fjarðabyggð var staðfest af innviðaráðherra 31. ágúst 2022 og birtist hér með skv. 6. mgr. 7. gr. laga um mannvirki nr. 160/2010.

 

Fjarðabyggð, 13. september 2022.

 

Jón Björn Hákonarson bæjarstjóri.


B deild - Útgáfud.: 16. september 2022