Hinn 26. nóvember 2021 var utanríkisráðuneyti Hollands afhent yfirlýsing um samþykki Íslands á aðild tiltekinna ríkja að samningnum um öflun sönnunargagna erlendis í einkamálum og verslunarmálum sem gerður var í Haag 18. mars 1970, sbr. auglýsingu í C-deild Stjórnartíðinda nr. 3/2009, þar sem samningurinn er birtur.
Um er að ræða eftirtalin ríki:
- Andorra - Armenía - Brasilía - Georgía - Kasakstan - Kosta Ríka - Kólumbía
- Króatía - Malta - Marokkó - Níkaragva - Suður-Kórea - Svartfjallaland - Víetnam
Yfirlýsingin var gerð á grundvelli 4. mgr. 39. gr. samningsins. Samkvæmt því ákvæði skal samningurinn öðlast gildi milli ríkis sem gerist aðili að honum og ríkis sem lýst hefur yfir samþykki sínu á aðildinni á sextugasta degi eftir afhendingu yfirlýsingar um samþykki.
Heildarlista yfir þau ríki sem samningurinn hefur áhrif á í samskiptum við Íslands má finna á heimasíðu Haag ráðstefnunnar um alþjóðlegan einkamálarétt á eftirfarandi vefslóð:
https://www.hcch.net/en/publications-and-studies/details4/?pid=4069&dtid=36.
Þetta er hér með gert almenningi kunnugt.
Utanríkisráðuneytinu, 14. mars 2022.
Þórdís Kolbrún Reykfjörð Gylfadóttir.
|